古天樂今日到銅鑼灣為法國護膚品牌宣傳，武漢肺炎疫情持續，不少藝人趁在家抗疫期間亦抽空在網上做直播，繼續娛樂大眾。問古仔會否化身KOL加入直播行列？他笑謂：「諗吓啦，睇吓有咩主題。疫情下，我都係返公司做嘢同返屋企，好少出街。」
有傳他與曾志偉聯手開戲救市，拍攝類似91年《豪門夜宴》的籌款電影，為眾電影人提供工作機會，古仔表示等待適合時機再公佈。再問他任達華及張智霖是否已答應演出？他笑謂所有事情都要：「返公司聽吓先。」
至於他與英皇電影合作的10部戲，古仔表示籌備當中，因為有很多因素要考慮：「好似而家因為疫情有限聚令，會影響外景拍攝，又唔想拍拍吓疫情有咩變化，如果拍拍吓停咗都有損失，都係睇清楚疫情先。」他表示希望藉這次機會，幫助基層電影人，發掘不同題材：「題材都有嘅，但有好嘅會再改，拍緊都可以不停改，想做啲唔同嘅嘢。」至於何時會開戲？古仔突然自爆：「咦？我做咩講咁多，平時我唔答㗎喎，我都係聽公司啲人講。」記者笑指他是老闆，古仔即一面驚訝說：「邊個講㗎？」
提到他身兼多職，既是電影公司老闆，又兼任演藝人協會會長，疫情下是否很多煩惱事要處理？古仔說：「我有咩煩？會長係真嘅，好多嘢要解決，我自己都係有嘢返公司做，冇就叫佢哋home office，不過我返公司都係聽佢哋講嘢，行來行去咁囉。」他表示疫情帶來得影響有好有不好：「好嘅就係有時間休息，留喺屋企睇戲、睇電視劇，《夫妻的世界》、《愛的迫降》嗰啲。唔好非常多，全球、社會同業界都有影響，唔止我個人嘅問題。」
古仔坦言有收到基層電影人求助個案：「其實已經處理咗，演藝人協會同15個屬會，都有收集大家嘅影響，了解、跟進同處理。」問他是否跟CASH一樣發放援助金？古仔表示不是一次性資助：「遲啲會公佈，應該有段時間嘅幫助，已經計劃哂。」
另外，早前鄭保瑞指古仔拍大陸電影，只為在香港開戲籌集資金，古仔說：「我真係冇睇，總之我做嘢，都係用心做好每件事。」記者指他被外界誤解，古仔重申：「都係用心做好每件事，得閒睇多啲電視啦。」
採訪：盧妹
攝影：陳俊強
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
