2020年5月21日星期四

【姜濤都葡萄】粉絲睇到流晒口水　Anson Lo＠MIRROR晒白滑心口跳手勢舞 #姜濤

【姜濤都葡萄】粉絲睇到流晒口水　Anson Lo＠MIRROR晒白滑心口跳手勢舞

Anson Lo大跳「遊艇版」的《蒙著嘴說愛你》手勢舞，原唱姜濤都自嘆MV不及他犀利！

近日MIRROR成員姜濤（姜B）主唱的Solo新歌《蒙著嘴說愛你》掀起一股「手勢舞」熱，繼早前經理人花姐（黃慧君）、鄭裕玲（Do姐）、謝安琪、林奕匡等學跳後，昨日趁「520（我愛你）」網絡情人節，隊友Anson Lo（盧瀚霆）亦於社交網貼出「遊艇版」，並寫道：「#520快樂 #蒙著嘴說愛你」片中，穿上短褲加恤衫、戴太陽眼鏡的Anson Lo，站在船上背着大海跳「手勢舞」，狀甚寫意，連姜B都好羨慕並忍不住留言：「這背景比我還厲害…」另一位成員Jeremy（李駿傑）就打趣道：「個背景好似key上去。」

不過亦有不少人放錯焦點，事關件恤衫扣得幾粒鈕的Anson Lo一邊賣力地跳，領口就愈擘愈大，令白雪雪的心口若隱若現，睇到一班「鏡粉（MIRROR粉絲名稱）」嗒晒糖，有網民興奮表示：「呢個look 已經搞到我暈低，請問dr lo在嗎？」、「下次不如着番好件衫先拍，唔係神徒會好激動」、「唔知望邊好」、「露點」等，惟好兄弟Edan（呂爵安）卻「睇唔過眼」無奈地說：「開哂胸想點啊……」認真爆笑！