現年58歲的前無綫監製錢國偉，跟37歲陳宛蔚結婚5年，兩人育有2歲女兒Abby。曾負責《獎門人》、《香港小姐》、《美女廚房》等皇牌節目的他，離開大台後又拍周星馳電影《美人魚》，又為鄭伊健、古巨基演唱會擔任監製，非常活躍，惟近1年錢國偉卻忽然消失娛樂圈，據知他因患了重病，胰臟出現問題，要靜心休養。前日錢國偉終於出關，在太太和好友林曉峰陪同下到旺角的化驗中心。現場所見，目測錢國偉體重暴瘦超過30磅，身形縮了一整圈，全程要扶着老婆慢步而行。
《蘋果》前日（13日）下午近1時，發現林曉峰駕車接載好友錢國偉夫婦，以前的錢國偉是一名肥仔，但久未露面的他，身形明顯銳減，似暴瘦了30磅，連招牌的圓臉和肚腩亦同告消失，戴口罩和cap帽遮樣的他，着了3件衫擋風保暖包到冚，而在口罩遮不到的面部，更見到部份皮膚明顯有兩截色，皮膚亦有點黑，眼窩凹陷。而從後面看，見到錢國偉的cap帽下沒有頭髮，似鏟了光頭。上林曉峰的車時，拉上車門時亦顯得有點吃力。車廂內，坐在司機位旁邊的錢國偉，即除了口罩透氣，面容有點憔悴，以前的包包面都不見了。
一行三人，由林曉峰駕車先到西貢市中心，落車15分鐘後才返上車，之後到美孚，逗留不足半小時又上車，跟着到圓方商場醫肚，患病的錢國偉似走路都乏力，全程出出入入要由老婆照顧，行去停車場時更要用手撐着老婆借力，而陳宛蔚對老公十分體貼，又拖手又蹺手為老公做人肉拐杖，兩夫婦互相扶持。林曉峰亦很照顧好友，兩人去洗手間時，先出來的林曉峰在門外等埋錢國偉才一起走。
食完飯離開圓方後，林曉峰駕車送他們到位於旺角的健康化驗中心，逗留了約25分鐘離去。錢國偉落樓後和老婆邊行邊傾，還做了一個「6」字手勢，由於街上很多途人，陳宛蔚免老公被碰撞，兩人手拖手而行，當經過一間北京同仁堂時，陳宛蔚入內問店員東西，出來後就返回車上，由林曉峰接載返家。
據知，錢國偉於年幾前發現患了重病，由於不想朋友擔心，所以一直低調求醫，過去年幾以來，將工作全部推掉，就算老友鄭伊健、陳小春開騷找他做監製，錢國偉都一律推辭，努力與病魔搏鬥，經過約1年的治療後，最近錢國偉的身體有好轉，身邊好友才知道他的情況，身體力行支持他對抗病魔。
《蘋果》今日致電錢國偉了解病況，他聲線比較虛弱，是否身體不適？他說：「哦冇乜嘢，OK嘅。」問到病情是否較嚴重？他說：「小手術，好番啲㗎嘞，割咗個膽。」追問是否患癌？他否認：「哦，唔係唔係，好啦，唔該晒。」禮貌地掛線。
採訪、攝影：徐錦池、孔志豪、吳耀輝、張明
-----------------------------
App內1-Click訂閱《蘋果動新聞》
按此了解更多
來源 source: http://hk.entertainment.appledaily.com
|
鍾意就快D Share啦！
|
|
|