「佢嫌我唔係好老婆」 曾與老公分居半年
麥家琪直腸直肚，與子女亦以「有嗰句講嗰句」方式來溝通，這個和諧點滴成就幸福家庭。至於與老公的相處，卻曾因意見分歧導致夫婦曾分居半年，不過，最後老公亦不捨這個幸福的家庭而回到太太身邊。
家琪娓娓道出夫婦8年前曾鬧分居的原因：「佢嫌我唔係好老婆、好媽媽，兩個不同生活環境長大嘅人一齊相處，總會有唔夾嘅地方，多年嚟都會有拗撬，慢慢就會意見分歧，試過鬧到好僵，佢話要走，咁我都冇辦法，唔通跪喺度求佢咩？我又冇做對人唔住嘅事，最多做嘢唔夠佢成熟！」
口裏說冇辦法的家琪，其實很着緊這段婚姻，一次有緣遇上高人指點，指她名字術數影響夫妻關係，所以年前決定改名「麥方喬」，她說：「老公唔捨得啲仔女，後來佢都返番嚟。（有冇第三者？）我唔知呀！不過，就算畀佢再搵另一個，都未必係好！」
來源 source: http://orientaldaily.on.cc
|
鍾意就快D Share啦！
|
|
|