真係慘慘豬！
歌手戴祖儀在將軍澳電視城為節目《#後生仔傾吓偈》錄影。最近天氣轉變令她的鼻敏感發作，相當辛苦困擾，她笑說：「自己冇風濕骨痛，不過喺外國讀書返嚟之後就有鼻敏感。（唔睇醫生根治？）聽人講鼻敏感冇得醫，一係就要做手術，但我又唔夠膽去做手術。（做手術驚畀人話整容？）咁又唔驚，我攞番細個啲相出嚟就證明到。（順便整細塊面？）呢樣香港就處理唔到，又暫時出唔到國，所以呢啲手術就做唔到，哈哈。」
有鼻敏感的戴祖儀被問到可有飼養小動物？她笑說：「自己好鍾意小動物，但係因為媽咪唔畀喺屋企養，所最近喺工作室領養咗隻街貓，佢對我個鼻就冇影響，但係對外觀有影響，街貓比較野性，之前幫佢沖涼手背同腳都畀佢抓傷。（鍾意小動物嘅男仔會唔會加分？）會架，因為鍾意得小動物都有愛心，但係做伴侶就要識得分配時間，如果我喺隔籬，就要照顧咗我先，哈哈。」
來源 source: http://hk.on.cc
|
鍾意就快D Share啦！
|
|
|