產後急速修身獲讚靚媽 楊秀惠抱B女出鏡谷收視
楊秀惠主演劇《十八年後的終極告白》今日舉行宣傳活動，惜上月底宣佈秘密誕下女兒「V.Y.」的她，因仍在馬來西亞坐月而未能出席活動，故她預先拍下短片，並上載到社交網，秀惠留言：「剛才『出席』了 #十八年後終極告白 的宣傳活動， 我還帶了她一起出席喔。」
片中，秀惠說：「大家好，我係秀惠呀！我而家仲喺馬來西亞就返唔到香港做宣傳，聽講一哥（山聰角色名）代表我露少少嘢，咁我而家都露番少少嘢啦，就係露BB畀大家睇，係BB嘅背影！BB同各位哥哥姐姐打招呼啦，『Hello哥哥姐姐』……」只見穿上熊仔衫的B女背影，其間媽咪才開口講了幾句，已經嘈到V.Y.忍唔住扭計，發出「奶音」喊聲，而抱住囡囡的秀惠依舊面尖尖，完全不似啱啱生完，一眾網民更大讚：「靚媽」、「生完BB，仲係咁瘦咁靚嘅」、「好快收身，仲好精神」等。
來源 source: http://hd.stheadline.com
|
鍾意就快D Share啦！
|
|
|
