2020年5月12日星期二

疫情下停工造人劉倩婷改變計劃望生牛女 #劉倩婷

疫情下停工造人劉倩婷改變計劃望生牛女

劉倩婷望明年為囡囡添多個妹。

劉倩婷（Sandy）、陳嘉容、黃進林及吳若希老公Alex今日出席時裝發佈會，但傳再做老竇的Alex扭擰拒受訪，避談老婆佗仔傳聞。

Sandy力撐本地時裝設計師Mountain Yam，因為老公李丞責的衣服多由Mountain設計，包括運程書封面。她又指近月因疫情少出街，主力網購衣服，笑認有瘋狂「拆禮物」：「小朋友唔方便出街，所以我每日幫囡囡扮靚，恍如時裝騷。」因為女兒只讀K1，未有耐復課，這幾個月由她充任埋老師，教囡囡寫字及跳舞，雖然廚藝及母女感情增進了，但唯一冇時間做囉！語畢，她解釋口中所講的是做運動呀！但仍被記者取笑是否夫妻間的「運動？」對此她面紅紅說：「哎呀！講到我面紅喇！」

Sandy不諱言想生多個，但「造人」大計因疫情押後：「老公話母親節禮物係送多個BB畀我，真係多謝晒！不過，我屬牛，明年係牛年，到時先算，囡囡都想多個細妹畀佢扮吓靚。」