網友發現一名激似迪麗熱巴的足浴姑娘，立即甫上網公諸同好。
大家可有幻想過內地人氣女星迪麗熱巴會踎底幫你按腳嗎？早前有內地網民喺社交網開心share，話光顧一間足浴店時，有幸畀佢遇見「迪麗熱巴」，仲為佢提供服務添！
其實呢位靚姐姐只係「洗腳熱巴」，唔係女神真身，但同樣擁有苗條身材同修長美腿，個樣都係「mix mix地」，好有新疆風情。據嗰位網民形容當見到「洗腳熱巴」捧住盛滿暖水嘅膠盤，手腕仲搭住條毛巾喺佢面前出現時，當堂嚇咗一跳，但「洗腳熱巴」似乎習慣咗客人嘅驚訝表情，同客人笑一笑後，就好自然咁踎底，先幫客洗腳再包腳後，再正式開始按腳。
好多網友睇到呢個甫後，即起哄話要搵「熱巴2.0」幫佢哋洗腳，搞到間足浴店人頭湧湧，以為好多人聞風而至一定好生意啦，但又唔知點解間店要關門大吉，而「洗腳熱巴」亦唔知去咗邊度，搞到網民好失望！
來源 source: http://hk.on.cc
|
鍾意就快D Share啦！
|
|
|
