其實呢……好似講少啲嘢好啲…
2014年電視版《神鵰俠侶》呢兩日忽然成為網友茶餘飯後話題，皆因《神》金牌製片人于正衰多口，網上暗寸當年演小龍女嘅陳妍希唔掂，同Angelababy冇得比，仲埋怨陳妍希累佢畀網民話咗咁多年添！雖然之後再發文補鑊，不過都被網民開火寸冇品，點知原來件事沒完沒了！
于正被踢爆事後喺粉絲Group嘅對話中再度提到陳妍希，坦言今次發言的確「誤傷」陳妍希，但話鋒一轉佢繼續衰多口：「看在我送了她一個老公，給了她一次紅的機會，應該不至於那麼小氣吧！」隨後又補一句：「何況還送了她一次熱搜哈哈哈哈哈哈。」意指當年陳妍希係因為拍攝《神鵰俠侶》而有機會撻着依家嘅老公陳曉。
多嘴言論即時辣㷫陳妍希粉絲，直指偶像喺接拍《神》前已經係當紅清純女神，卻被劇中「黑山老妖造型」拖累，「小籠包」花名被嗌到依家，反問于正仲好唔好意思話人哋。而「當事人」陳妍希就懶理新聞，上載自己一身便服準備出街嘅自拍照。
來源 source: http://hk.on.cc
|
鍾意就快D Share啦！
|
|
|
