現年49歲的90年代艷星鄭艷麗，拍過多部三級片，曾經當過台灣富商黃任中的契女，契爺病逝後回港，之後淡出娛樂圈，5年前被發現在麥當勞打工，環境大不如前。近日又爆出患上厭食症，更一度被送入ICU。
體重跌至不足100磅的鄭艷麗，曾於本月中自爆患上厭食症，一個多星期內暈倒兩次，她表示就算如何努力想增磅，但一進食便想嘔吐，這情況已維持了一段日子，她解釋將事件公開的原因：「因為我想大家多啲支持鼓勵我、我一定可以度過嘅，還有我好耐冇見過我媽咪佢喺越南，我係一定會冇事等佢返嚟煲多啲湯畀我飲。」
她在社交網寫道：「為大家講解我嘅病情狀況，是患咗厭食症，但係不是不喜歡食嘢的厭食症，是身體內排斥食物的厭食症，因為身體內沒營養，亦無法吸收到營養，因為我一進食就會毆（嘔），咁點解嚴重到入ICU呢！因為身體嘅鋏（鉀）指數超低…只有1…正常人應該有4至6的...點解我會向大家講這件事，是如果我萬一不在世上，我的好朋友和粉絲，都能明白我的狀況，不是看到報道亂寫一同（通）的事情，我就心安」
鄭艷麗日前已離開ICU轉去普通病房，昨日她在Facebook貼出多張在醫院內的照片，寫道：「早晨，前日我好友張靜小姐來探我、請我食海南雞飯，真好味，又攞咗好多東西給我，終於可以沖涼、刷牙洗面了…爽爽爽…爛（檻）埋火盆就完美，講笑。昨天去做咗個腦掃描，未出報告，我的鋏（鉀）指數，還是上不到正常的，現在等明天內分泌專科來睇我，所以都唔知要搞幾多個事情先可以出院，還有醫生說…我的鋏（鉀）指數沒正常亦不能出院，他說這樣好危險，但係我唔想再抽血你們睇吓我隻手有幾多個針窿…又與（瘀）晒又腫又痕，還有我在醫院悶到爆炸。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
