現任亞視子公司亞洲心動娛樂（AMM）香港區副總裁的林文龍，上任以來，一直構思不同種類的全新網上節目，包括音樂、綜藝、劇集等，早前，打機達人林慧韡（達哥）獲邀與文龍合作一個打牌遊戲節目《今晚有牌打》，而該節目的前哨戰已於前日推出。
在片中，達哥由爆機達轉行做社交平台媒體形象指導員，他點評文龍的IG有四宗罪，「冇執相、大部份都係工作照、Caption唔吸引、內容太老正」，自讚一舉手一投足都散發無比自信的達哥，親自教授拍照時cutie一點，文龍瞪大眼說：「cutie啲？點樣cute法呀？」達哥教他將V手勢放在面旁扮可愛，文龍看到即笑說：「我從來都唔做呢啲嘢㗎喎！」達哥極力游說，文龍最後只好就範。達哥指文龍的可愛樣簡直吃了返老還童藥，文龍聞後便說：「撞鬼你呀，咩返老還童藥呀！」達哥及後又要求文龍拍照時要帶點《重慶森林》的感覺，又或者擺出Michael Jackson招牌動作，兼且教他裝出日本動漫《JoJo奇妙冒險》的經典甫士，文龍配合地一一照做，然後再笑說：「我真係要淪落到咁？」
已有20年沒有打機的文龍，被達哥進行特訓，兩人展開一場足球賽事，文龍當時一臉專心看住螢幕，不過達哥卻說：「你而家開始講唔到嘢就唔得嘅，因為我哋做直播係要一輪嘴咁講。」文龍點頭和應，然後嘗試邊講邊打機，點知被達哥先射入一球。
此時，達哥繼續與文龍對話，如問他年輕時踢甚麼位置？以前是踢右翼的文龍怎可以失威，繼而追返一球，但殊不知達哥再輕易追返兩球，文龍顯得冇晒心機，達哥得戚地說：「係咁㗎喇，我一路講就入波㗎喇！」
為了加強特訓，達哥趁文龍專心打機時，問他與郭可盈在哪年結婚﹖要求在3、2、1秒內作答，但文龍只能回答：「2......」，達哥說：「咁慢㗎！」文龍於是認真地邊想邊答：「20...200...」達哥笑他：「真係唔記得，唔係吖嘛？我諗住你搞吓氣氛咋喎！你咁樣，我都騎虎難下。」文龍拋低遊戲機手掣，雙手摸頭說：「死我突然之間好亂呀！」多想了一會後，再答出：「2004年！」最後，達哥以6比1勝出這場賽事，文龍繼續望住個mon說：「你唔好畀我熟咗，如果熟咗，你會輸得好大鑊。」達哥聞言後立即鬆人閃走。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
