剛播畢的無綫劇集《木棘証人》中，羅子溢（前名︰羅仲謙）的對頭督察秦啟維旗下的李嘉晉，外形高大俊朗，經參加第廿六期藝員訓練班入行，是鄭丹瑞的高徒，參演角色漸多，前途無可限量；不過，日前，他卻捲入前女友C小姐的裸照風暴。
C小姐向本刊控訴，她接連遭人造謠賣淫，以及廣發其露點裸照於各大社交媒體和群組；而當中寄存相關半裸相片的手機，她表示是遺留在前男友的家中。
事件發生後，原本任職模特兒的C小姐，因形象受損，工作全部叫停；加上，不時受沒有來電顯示的電話滋擾，精神情緒一度崩潰。對於散播裸照的幕後黑手，她怒斥︰「正人渣！」
社交媒體上不少公開群組都曾上載相關C小姐裸照的link，但現已未能連接。
今年十月四日後，有人將受害人C小姐的裸照放上網，及被屈賣淫cap圖，發放於多個社交媒體的公開群組，令人誤以為C小姐從事不道德的工作。
在無綫八年的李嘉晉，近年參與不少劇集演出，開始多人認識，但卻突然捲入一宗裸照風暴。
阿旦高徒
現年廿八歲的李嘉晉，一二年參加無綫第廿六期藝員訓練班，同屆同學包括：何廣沛、利穎怡等；而負責藝訓班的「總司令」正是鄭丹瑞（阿旦）。當中五呎十一寸高的李嘉晉，高大俊朗，又操得一身爆肌，形象討好，畢業後，隨即加入無綫工作，近年都獲不斷給予機會。除剛播畢的《木棘証人》之外，未出街的還有《BB大晒》、《換命真相》等，仕途正穩步上揚。不過，他卻突然捲入任職模特兒的前女友C小姐的裸照風暴。
日前，C小姐在好友、哥哥及孖生妹妹的陪同下，向本刊投訴，上月四日有人將其裸照，廣泛散播於不同的WhatsApp、Telegram、Instagram等社交媒體，以及互聯網的公開群組，至重陽節又再次被瘋傳，速度驚人！她憤慨的說：「今年十月四日，我生日嘅時候，有人將我半裸露嘅相，連同一啲造假嘅對話cap圖，仲有我同妹妹嘅合照，及公開埋我妹妹嘅電話，擺咗喺啲link度及上載埋IG、Telegram ，WhatsApp等公開嘅群組度。我從來冇公開過嗰啲半裸照，至於我同妹妹嘅生活照，有部份係曾放過喺社交媒體度。」
李嘉晉十分尊敬訓練班總司令鄭丹瑞，每年新年都會向對方拜年問候。
遺失手機
C小姐透露該批裸照，寄存在以前的一部舊手機內。她說︰「嗰部係一部紅米手機，裏面有好多我嘅相；但我上年十一月尾同ex（舊男友）分手後，部舊手機留低喺ex屋企度。當分手後，我要求佢畀番我留喺佢屋企啲嘢同手機時，佢當時聲稱已經丟晒，冇畀番過我。不過，十月四日事件發生後，我睇番自己IG帳號，竟然發現嗰部紅米手機有人登入過。」
問及其ex是誰？她直言︰「係TVB藝員李嘉晉。」至於手機是否需密碼才能開啟？她說︰「我啲密碼好易估，都係用生日、電話冧吧。」
C小姐指去年因參與澳門一間酒店的娛樂城拍廣告，而跟李嘉晉結識。廣告當中有古天樂參演。「我同ex拍拖半年，一九年六月開始，十一月尾分手。我覺得我哋唔適合，係我講分手先嘅。但隔一、兩個星期後，佢啲朋友話畀佢聽話我出咗軌，所以唔要佢；跟住，佢一直死咬唔放！佢同我講過話好唔甘心，從來冇畀人飛過，我哋可唔可以一齊番？我話唔可以。分手期間，佢曾喺IG story一直講啲晦氣說話，搞到佢好似被人戴咗綠帽。我有同佢講過，你係TVB藝人，成日喺度講啲唔係事實嘅嘢，你係博乜？」
李嘉晉（右）早前在《木棘証人》中，飾演督察秦啟維旗下的便衣探員，高大的他，外形討好。
|
鍾意就快D Share啦！
|
|
|
