滕麗名夠晒大方！
藝人滕麗名出席無綫劇集《陀槍師姐2021》宣傳，由第一輯開始參與，至今已20多年，絕對是集體回憶，問到會否繼續拍？阿滕表示：「公司一路開我會一路拍，其實今次都辛苦，安排我呢個警司跑出街㗎！」
談到陳豪當年曾於《陀III》演賊人，阿滕笑指也有份追捕對方，期間更被車門夾份手指，她說：「當年揸車圍捕佢，拍咗好多Take，當導演拍完叫Cut時，我叫佢畀1分鐘我，因為我隻手指仲喺度門夾住咗，嚇到邵傳勇問我開唔開門好，劇組有叫我去醫院，但我要趕住開廠冇去，返到公司手指腫晒要用針放血，所以隻手指到依家都係彎咗！」
對於與舊愛魏駿傑當年因拍攝該劇撻着，但最後未能開花結果，日前劇集播出魏駿傑的回憶片段，問到可感尷尬？她說：「拍嗰時係睇唔到呢啲畫面，播出我仲未睇番，冇問題嘅，每個人都有過去。（但呢場獨腳戲，網民讚你做得好好！）本來一Take，但導演想我再靚啲，要喊得收斂少少，同埋場戲係疫情最高峰時拍，我冇晒啲假眼捷毛同手指甲，真面目出晒嚟，所以鏡頭有啲位要就一就。」
來源 source: http://hk.on.cc
|
鍾意就快D Share啦！
|
|
|
