安全至上 羅子溢諗定拜年攻略
初為人父的古巨基為兒子在家閉關多時，同樣是新手爸爸的羅子溢，囡囡小珍珠不經不覺已經9個月大，提到疫情下要照顧小朋友，身在內地拍戲的他坦言情況還可以：「因為個女仲細，除咗去健康院打針同檢查，囡囡都喺屋企多，平時我哋都有同佢喺屋苑範圍行吓，帶佢上天台曬吓太陽。」農曆新年快到，雖然不會跟親友聚會，但他表示快將返港，到時會帶囡囡跟至親拜年，他說：「太太有叫我唔好去人多嘅地方，唔想有咩傳染到個女，我都會聽太太話。」
倪晨曦減少社交活動
至於去年底誕下兒子的倪晨曦，透露其實自懷孕後已盡量減少外出：「盡量少出去做嘢，亦少咗社交活動，一直都好小心，唔出街食飯。」她又指BB出世後，不少朋友想來家中探訪，但遭她全數婉拒，如無必要亦不會帶BB出街：「要打針就冇辦法，我都買咗個透明面罩畀BB，每次出去都盡快完成，睇完醫生即時搭車返屋企，返到屋企就沖涼同換衫。」
來源 source: http://orientaldaily.on.cc
|
鍾意就快D Share啦！
|
|
|
