2021年2月1日星期一

宣萱樂做御用人質陳豪為搬大屋再生B留後路：有意外再算 #宣萱 #陳豪

宣萱樂做御用人質陳豪為搬大屋再生B留後路：有意外再算

宣萱都讚陳豪夫婦湊小朋友有耐性。

陳豪（Mo）、宣萱、滕麗名等宣傳新劇《陀槍師姐2021》，Mo透露初入TVB時曾在《陀槍師姐III》中演大反派，不乏飛車場口，事隔多年終升呢做警察；宣萱則繼續做「御用人質」，估計最少有近30次「被綁架」的經驗。笑問會否申請入健力士紀錄大全？她笑說：「過多20年，等我做夠50次先啦，但做人質都幾開心呀！」她又指拍攝時正值疫情高峰期，盡量避開激情場面，連到桑拿浴室拍攝也押後，以策安全。

Mo直認最近搬屋，避談是否疫巿勁賺千萬才搬大屋，只謂搬到鄰座而已，又趁機大讚老婆陳茵媺（Aimee）是「全能媽咪」，不但全力照顧3個小朋友，連搬屋也一手包辦。問到搬大屋是否有意再生B？Mo笑說：「都夠喇，見好就收啦，有意外才再算，不要封我後路！」宣萱聞言亦大讚Mo及Aimee有耐性湊小朋友，自己較喜歡單身及自由，現在照顧家中的4狗3貓已忙個不停，但總比湊小朋友簡單得多，起碼不用教育。