2021年2月1日星期一

與張繼聰澳門拍戲正式煞科周秀娜壓抑逾月終可放聲大叫 #周秀娜 #張繼聰

與張繼聰澳門拍戲正式煞科周秀娜壓抑逾月終可放聲大叫

張繼聰個樣似抑壓多過娜姐。

周秀娜（Chrissie）和張繼聰到澳門拍攝近一個月的電影《馬達・蓮娜》，日前正式煞科，二人獲劇組送上鮮花，他們也多謝劇組近個半月來的照顧。

終於完成拍攝即將回港，阿聰稱拍攝這片是非常非愉快和難忘的經驗，「同澳門劇組工作人員合作得好開心，喺呢段時間已經建立咗感情。今次喺澳門逗留咗個半月，令我更深入認識呢個地方，覺得呢度好多嘢都好靚。」並謂這片是他近年演出最難忘的一部電影：「有好多回憶，好多感受。為咗拍攝，剩係隔離都21日，大家都好努力去做好呢部電影，希望快啲上映畀大家睇到呢部誠意之作。」

電影煞科時Chrissie禁不住大叫一聲，原因是她終於可以放鬆下來。她說：「因為呢個劇本同我嘅角色都係比較壓抑，成日要喺一個唔開心嘅狀態，知道終於拍完就忍唔住放聲大叫。」Chrissie又謂3年前已認識導演陳雅莉，今次終能合作是緣份；至於跟阿聰的合作，她表示：「同阿聰合作過幾次，令到今次默契更加好，可以傾大家點去演繹角色。」談到隔離21天的難忘經歷，Chrissie坦言能有這段時間去感受角色是一個很好的體會。