藝人張繼聰早前因電咗一頭曲髮，被網民指「參考」日本天王木村拓哉，一度引起爭議。因為咁，佢自爆係木村粉絲，呢日佢喺社交網上載與木村嘅「世紀合照」，留言寫道：「『架車係我㗎⋯⋯』感謝網友嘅改圖，大家笑吓，周末愉快。」
原來有網友將多年前日劇《美麗人生》（Beautiful Life）裏面嘅木村，Key咗喺張繼聰與愛車嘅合照，雖然Key圖技術唔算完美，但係氹得網民非常開心，有網友話「2000年穿越到2021年搶車？？？」、「當木村遇上木村」，認真搞笑。連老婆謝安琪都忍唔住留言：「我都想合照，係同木村大神。」仲呼籲各位PS專才幫佢Key圖，睇嚟謝安琪都係木村嘅忠粉，等小編幫你圓夢啦。
之後陸續有網民將二次創作的合成照片send畀謝安琪，其中一張係謝安琪雙手搭着木村膊頭，像真度超高，就連謝安琪都忍唔住留言大讚：「其實你揀嘅表情幾襯。」
來源 source: http://hk.on.cc
|
鍾意就快D Share啦！
|
|
|
