歌手譚詠麟（阿倫）今日（29日）出席無綫慈善節目《萬眾同心公益金》，表示已有兩年沒有現身電視城，由於疫情關係亦有一段時間沒有返內地工作。談到激讚《聲夢傳奇》參賽者炎明熹有壓台感，阿倫指對方過埋生日才16歲，年紀輕輕，但勝在乖巧斯文，問到新人是否需要知書識禮？他說：「中國人知書識禮好啲。（尊重前輩好重要？）要識得尊重，識得叫人同打招呼。（但被你點過燈嘅人都被喻為『死亡之吻』？）傻啦，克勤唔作準，佢係大器晚成，陳奕迅同鄧紫棋喺內地未紅嘅時候我已經講，話係有實力，事實勝於雄辯，時間證明一切。」
問到阿倫稍後會否多點現身無綫撐高層老友曾志偉？阿倫笑指志偉現時變了另一個人，責任感很重：「佢依家成日八字眉，係『TVB八公』，每事問，為個台付出好大，克勤話流住TVB嘅血，志偉係流住TVB嘅膿，有漿添！」
來源 source: http://hk.on.cc
|
鍾意就快D Share啦！
|
|
|
