「視后」李佳芯（Ali）身穿短褲出席無綫慈善騷，大騷白滑長腿。她透露自完成劇集《智能愛人》拍攝後已放假，隨即學習不同東西增值自己，如唱歌、陶瓷、網球、瑜伽及健身等：「以前唔識得運用背脊肌肉，依家做適量瑜伽同健身，身體都會好啲。」
對於有指被富商力追，還出動噴雪機製造浪漫，望打動芳心，對此Ali指對方乃其生意夥伴，但從未到訪其豪宅，每次見面亦僅談公事，並非傳聞所指般浪漫，至於睇人造雪，Ali就表示：「佢公司喺有部雪機，開過一次畀我睇，我仲冇化妝自拍咗張相添，冇諗過咁就畀人誤會。」
對於有指她近日又搬屋，Ali指只是經常到該酒店歎茶，現時仍短期租住紅磡服務式住宅，問到可想過置業？她說：「一直都有諗，但好細膽，覺得搵錢已經好辛苦，所以想揀一間係一擊即中，所以一直等樓價回落，但係了解咗之後已升到好高，如果一炮過畀冇咁大壓力，要睇市道同埋狀況。」
單身一段時間的她，被建議搵個男仔嫁，她對此笑說：「如果一早係咁我就唔使等到依家。（啲教練唔得咩？）我其中一個運動教練就係黎諾懿，另一個教練都識咗好多年，我知大家好關心我，但屋企人已經放棄我，我亦覺得唔容易，呢個世界愈簡單就愈難，要搵一個價值觀相近嘅人唔容易！（翻撻陳炳銓？）將來嘅嘢冇人知，但大家依家相處舒服，保持住朋友之間嘅交流。」
來源 source: http://hk.on.cc
|
鍾意就快D Share啦！
|
|
|
