伍富橋擔任星級教練宣揚素食：食素會令人更健康兼提升表現
伍富橋（Alvin）與鄺潔楹（Judy） 早前與圈外朋友合資開設健身及物理治療中心，日前兩人為新店開張剪綵，方力申、森美、譚俊彥、朱智賢、羅天宇、吳日言等人到場祝賀，Alvin會在中心親身擔任星級教練，已有不少學生慕名而來，一日更試過旺到要教7堂，他笑說：「暫時都係男學生比較多，可能需要大家幫手宣傳，介紹身邊的女朋友來上堂。」他更坦言感謝所有朋友的到來：「大家畀咗好多意見，甚至有啲仲搵我上堂操練，係一份大大的支持。」
Alvin 今次開店除了因為自己喜歡做運動，作為素食者的他，更希望可以推廣素食健身者的理念：「一般人都以為素食者嘅體能會比肉食者差，好多人都有誤解以為人嘅能量嚟自肉類，但其實係碳水化合物，而且好多豆類都有豐富嘅蛋白質。而家好多頂尖嘅運動選手都係素食者，佢哋轉咗食素都提高咗運動表現，所以想帶出一個理念畀大家，食素唔會冇力，食素唔會唔夠營養，食素會令人更健康，更能提升運動表現。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
