▲《再見‧枕邊人》
TVB劇《再見‧枕邊人》，逢周一至五晚八點半翡翠台播映，主要演員包括馬德鐘、黃智雯、張曦雯、羅天宇、徐榮、鄭俊弘、尹詩沛及杜燕歌等。
《再見‧枕邊人》踏入結局篇，終極Big Boss身份即將曝光，雖然可疑人物愈揭愈多，但亦有角色釋除嫌疑回復「好人」身份！一直為好友楊萬森（馬德鐘飾）跟蹤兼查探晴天（黃智雯飾）的「老鬼」魯正輝（徐榮飾）。
再見‧枕邊人丨尹詩沛罕有演溫柔角色 周志康演活「控制狂兼躁狂老公」
老鬼萬森兄弟決裂
因晴天「爆大鑊」將當年凱晞建築工業意外的絕密錄音公開，令老鬼終得知自己當年因老友萬森一己私心而白白坐了兩年冤獄，其妻子更於期間因病離世，令老鬼至此成為女兒佩珈（史穎喬飾）最大仇人，並因而變得叛逆。
老鬼得悉真相後怒氣沖沖找萬森對質，兄弟情就此決裂！
父女終冰釋前嫌
直到昨晚（3月27日）《再見‧枕邊人》，佩珈看到晴天報道後得知父親原來才是受害者時，即下廚煮「媽咪牌」咖喱孝敬爸爸，兩父女相隔多年後終於冰釋前嫌，場面感人，老鬼自責地向佩珈道歉：「以後有老竇照顧你，你唔使再一個人……以後有老竇，我會十倍補償番畀你。」
佩珈則激動鬧爆楊萬森做「賤人」：「都唔關你事！你明明係受害者，係你嗰個所謂嘅好兄弟累到你坐監，累到我哋屋企搞成咁，係呢個賤人呀！」最終老鬼因得知萬森一直找鐘點工人麗姐假扮「大姑媽」一支在佩珈身邊默默支持及打氣時，亦決定大方原諒萬森。
好爸爸徐榮：一有時間就陪仔女
徐榮受訪時直言出演「老鬼」一角有難度，皆因其角色一直視萬森為好兄弟，到後來發現自己被利用時，要在極短時間內突然轉變心態並不容易。
他續指，當爸爸後，對演出父親角色有幫助：「因為會有少少代入咗，如果真係自己，會點呢？情感方面係會有幫助。」
然後，徐榮再表示：「同埋我覺得小朋友真係需要父母陪伴多啲，因為史穎喬呢個角色就係老鬼冇陪佢，媽咪唔喺度令佢性格變得反叛同孤僻啲，所以我依家一有時間就會陪仔女，一直都相信小朋友由父母陪伴成長，心態上會健康好多。」
徐榮又表示，與馬德鐘第3度合作「人字」劇集系列，包括《雙生陌生人》、《有種好男人》及《再見‧枕邊人》，二人默契已昇華至一拍即合的階段；他還透露有份參與「老鬼」造型設計：「以前嘅記者鍾意著背心，所以保留咗新潮少少嘅背心，賊仔帽、恤衫配背心，呢個造型係我同設計師、監製一齊諗出來。」
最新影片推介：
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick Whatsapp頻道睇最新資訊︰http://tinyurl.com/3dtnw8f5
撰文 :TOPick柴犬出動
|
鍾意就快D Share啦！
|
|
|