2014年1月17日 星期五

[忽然1周 964] 熟女有辦法 BKD_S,MW,




有名「黑絲儀」嘅江美儀行騷,梗要出最強黑絲,自信到呢!反而 Benz雄笑得有啲牽強,好搞鬼!

媽咪姐

熟女有辦法

人紅自然多人搵,好似最佳男女配角許紹雄( Benz雄)同江美儀,最近跳出電視框框,做模特兒走上天橋行騷。周一( 13日),佢兩個為 Dorian Ho時裝展做 model。

平日佢哋出名好戲,做到出神入化,點知 Benz雄一上到台行騷就有啲緊張,成個人硬曬軚。不過行走江湖多年嘅江美儀好鬼醒目,慢慢帶實 Benz雄,順利過關,兩個做訪問即時風騷曬!都話成熟嘅女人先最有計。

當日緊張嘅唔只行騷嘅許紹雄同江美儀,喺台下嘅江美儀男友吳君祥亦𥄫到實,仲不時按住心口,女友咁正係驚啲!

江美儀同許紹雄落台做訪問嗰陣,即時鬆曬係咁講笑。江美儀仲話未來 10年都要同 Benz雄拍住上賺錢,不過叫對方千祈唔好以身相許!

同場加映

周二( 14日),鄺美雲嘅自家珠寶品牌搞騷,搵嚟大堆名模行騷。不過計媽咪姐話,都係鄺美人自己演繹最啱。當日佢身上過億寶石好火到暈,加埋 deep V晚裝,殺盡全場。又一揚眉女子呀!



鍾意就快D Share啦!
Related Posts Plugin for WordPress, Blogger...