全城熱爆的娛樂八封新聞 & 時事趣聞 & 生活 + 趣聞
流放內地兩年嘅傅穎，警覺性依然，佢一離開舖頭即刻發現記者，仲向鏡頭友善微笑兼揮手。
近年唔少喺香港撈唔掂嘅女藝人返內地走一轉之後，頓時變成富婆。有班宅男粉絲嘅傅穎唔算撈得唔掂，只係佢唔爭氣，唱歌走音，情路更加崎嶇，明明係受害人都可以變成被雪藏嗰個。
前事不堪回首，近年主力北上嘅傅穎，就靠微博嘅膠樣圖輯增加見報率。周日（ 12日），傅穎終於蒲頭，現身銅鑼灣行街。人仔係咁袋，自然要放血，即使一身街頭 look嘅佢，都要殺入 Dior試衫試鞋，誓做上等人。雖然傅穎長駐內地，但似乎仲未被強國曬命土豪同化，全程齋試唔買。咁又係，今日唔知聽日事，都係留番個錢傍身好啲。
傅穎一邊揸住杯礦泉水，一邊試緊一對價值 8千蚊嘅鬥零踭，浸過黃河水唔同啲。
睇嚟睇去都唔啱，傅穎決定除鞋算吧。不過佢一邊摸實雙腳一邊覆 message，有啲唔衞生囉！
2002年正方形 某啲人有「特別的朗誦技巧」，但傅穎就有「特別的變臉技巧」。
2013年全膠形
