全城熱爆的娛樂八封新聞 & 時事趣聞 & 生活 + 趣聞
Chok等的士 媽咪姐膚淺，有諗過蔡生包到冚，係咪怕俾人知佢無揸靚車要等的士？ BTW，你去得 city'super買嘢，都唔 cheap啦，放鬆啲。
某日，銅鑼灣時代廣場外，媽咪姐發現咗一個奇人！係，嗰日係幾凍，十零度咁啦。但呢位仁兄又帽又超又頸巾，仲要連個鼻都包埋，使唔使呀？之不過，你咪理，佢一路等的士，一路 keep住呢個雙手插袋型到震嘅 pose，慢慢跟住人龍移動。 Well，真係唔攰嘅咩？
蔡一傑等咗 15分鐘的士，轉咗 N次地方，依然雙手插袋，隻手痹唔痹㗎？
果然八卦係有回報嘅，阿型人終於熱到要拉開條頸巾…… OMG，原來係草蜢之中，最妖最貪靚嘅蔡一傑，明曬！
見到蔡一傑型到咁，媽咪姐忽然諗起早幾日亦發現另一型人！佢就係薑大偉個 6歲孫曹保熙（薑依蘭、曹永廉大仔）嘞。嗰日佢同 2歲妹妹曹曦文跟公公去九龍城食嘢，見到記者不斷 chok住擺 pose，笑咗！
