掃呢頁CODE去手機

2014年1月17日 星期五

[忽然1周 964] 薛凱琪鄭中基玩「孕」事 薛凱琪,鄭中基,MW,




假狗孭上身

薛凱琪扮生咗,但俾黃百鳴發現假肚物體,鄭中基惟有著曬上身,話係自己要感受大肚婆滋味。

媽咪姐

薛凱琪鄭中基玩「孕」事

農曆新年有咩好節目?梗係一家大細入戲院睇套笑片,開心過馬年啦!嗱,媽咪姐今次就揀咗黃百鳴嘅《六福喜事》,夠曬大堆頭嘛!

戲入面鄭中基同薛凱琪飾演小夫妻,喺叔公黃百鳴「斷財路」要脅下,請咗陪月吳君如教路秘方生仔。仲有千語 BB、「 Lacus」林德信又爭住要生 B!唔使講當然笑料百出,如鄭中基裝假胸假肚扮大肚、醫院打邊爐等,肯定笑爆嘴呀。

醫院打邊爐

薛凱琪、鄭中基、陪月吳君如、老友林德信同吳千語喺醫院病房邊打邊爐邊諗計仔呃黃百鳴。

食得唔好嘥

無綫拍劇,成日俾人話啲食物唔食得入口,但《六福喜事》啱啱相反,乜都係真材實料。就講打邊爐,全部係靚嘢,所以一拍完咋,導演穀德昭(左)即帶頭繼續打邊爐,睇佢食得幾滋味?

產房扮曬嘢

薛凱琪入產房扮生仔,要鄭中基幫佢影生仔情形,但就名媛上身,擺曬甫士。

病房開賭局

各人喺產房「開局」開到㷫烚烚之際,黃百鳴突然殺到,各人急住「走鬼」亂曬龍。



鍾意就快D Share啦!