掃呢頁CODE去手機

2014年1月17日 星期五

演協風波傾掂數 秋生搵芷菁幫手 秋生,演藝人協會,演協,BKD_S,黃秋生,

video


馮仁昭四圍超:演協風波傾掂數 秋生搵芷菁幫手 - 馮仁昭

秋生芷菁忽然Friend番:又唔係十冤九仇

呢個圈冇永遠嘅敵人,曾志偉想搵黃秋生做演藝人協會會長,但因入會問題搞到秋生喺演協門口瞓地,仲同演協秘書長陳芷菁開火,又話要佢做會長,就唔可以有芷菁。

事隔幾日秋生噚日喺網上話:「演協事件已有溝通。」佢事後接受電話訪問:「志偉話演協今日(噚日)開會,之後會打電話畀我。同佢講如果真係要行就三部曲,第一係咪go ahead(繼續搞)先,第二係入會問題點解決,會都入唔到選乜鬼。我主動打電話畀芷菁溝通,佢話上次情況混亂有誤會,咁大家都循例講聲『唔好意思』。」佢話呢啲問題解決曬先可以選,同時收番話同芷菁合作唔到:「唔係十冤九仇,芷菁又咁熟會務,都想佢幫手,做會長嘅目的係想團結業界。」之後佢收到演協理事王祖藍嘅短訊講番今日開會結果,話要搞掂內部會務先,秋生話:「佢哋話會延遲選舉,招收多啲新會員,我理解即係等佢哋內部講掂數先,可以鬆一口氣過年。」



■秋生喺網上話演協事件已有溝通。互聯網圖片



■秋生笑言可以暫時鬆一口氣,安心過新年。



■莊思敏係秋生支持者,一班人仲開咗個群組傾偈。

莊思敏寸芷菁

莊思敏噚日喺尖沙嘴出席活動,提到當日被拒入會填表格,佢話唔認同芷菁嘅處事:「欠靈活,處理手法硬繃繃。」話入會唔成最後入咗醬油會:「開咗個group chat叫醬油會,秋生會畀我哋最新消息。」

撰文:馮仁昭



鍾意就快D Share啦!