[忽然1周 964] 阿嬌拍住上 阿嬌,鍾欣潼,MW,

媽咪姐

阿嬌拍住上

嗱，真係唔好話媽咪姐認叻！呢頭講完阿 Sa會拍劉鎮偉導演嘅新戲，嗰頭媽咪姐已經收到風，阿嬌鍾欣潼原來都會拍埋一份，實行好姊妹拍住上，有錢齊齊搵！

唔講你可能唔知，劉導演係好錫阿嬌，自從 2010年同阿嬌合作過《越光寶盒》同《出水芙蓉》後，佢哋就以父女相稱。就算近年阿嬌喺內地工作不斷劇接劇，人仔賺不停，都不忘成日打電話關心「阿爸」。今次兩姊妹可以再合作拍戲，阿嬌都應該出咗唔少力，睇嚟為食阿 Sa今鋪要請食飯嘞！

近年阿嬌主力開拓內地市場，啱啱同惠英紅拍完《白狐》。不過佢早前上內地遊戲節目搞到肩頸受傷，又要刮痧，好痛！

劉鎮偉錫曬

阿嬌同劉導演早前喺內地偶遇，但未能詳談，「兩父女」都好 down。

鍾意就快D Share啦！

下一篇 》