掃呢頁CODE去手機

2014年1月17日 星期五

【亂噏24】夜蒲三嬌談情說性 BKD_S,

video


【亂噏24】夜蒲三嬌談情說性

20萬包女明星?錢國偉:人人都有個價

在女人堆團團轉的導演錢國偉,日前帶同《喜愛夜蒲3》三辣妹雨僑、何佩瑜(Jeana)和「寸嘴Barbie」夏尉喻錄影《亂噏24》。三女在鏡頭前暢所欲言:雨僑自爆被癡漢跟蹤,生命受威脅;Jeana後生時拖老外遊街,自我感覺良好;Barbie試過被賤男調戲。《亂噏24》足本版逢周四晚上11時播出,讀者可在http://bit.ly/appletalk24重溫。

撰文:馮國康、Sidekick



■錢國偉日前帶同三位「夜蒲女」Jeana、雨僑和寸嘴Barbie錄影節目《亂噏24》。攝影:黃文邦

現正上映的《喜愛夜蒲3》圍繞都市人男歡女愛話題,導演錢國偉表示電影除教人媾女招數,亦有點深度:「講出賣朋友呀,媾咗朋友條仔呀,呢一個圈成日都有發生。即係可能一個朋友圈,大家可能互相有關係。」當然這些情況在娛圈時有發生,黎智英(肥佬黎)便問三位女星可有類似經歷?雨僑坦誠地答:「現實都有同best friend鍾意同一個男仔,仲輸㖭!早排嗰個女仔結婚,我同嗰個男仔都有出席,我覺得好鬼揞眼,點解當時會爭佢呢?」

性愛場面是電影賣點之一,面前三位女星都有大膽演出。不過在香港拍戲,稍作裸露便會被標籤,予人低俗感覺。雨僑對此感覺更深,出道時以清純歌手自居的她,主要在YouTube開頻道,彈琴、唱歌和教人化妝,怎料當她決定拍《喜愛夜蒲3》,有大膽床上戲份時,即被人指指點點,她說:「佢哋會好大反應,話搞咁多年turn out又係做呢啲。我心諗,乜嘢叫做『呢啲』呀!」Jeana對此想得通透,她覺得電影以夜蒲為題材,畫面和故事都需要視覺震撼,怎能缺少性愛場面?她說:「我哋唔係拍緊青春校園片,冇先至唔正常。」

雨僑俾癡漢死跟

被標籤為性感女星,有時更要被迫接收猥瑣核突留言,Jeana說:「開頭自己都有唔舒服,但諗深一層,我係娛樂人哋嘅,唔使太認真。」錢國偉大爆當年有些女星曾收過變態信件,他一拆開便發現有毛髮在內,有些更黐黐𣲷𣲷,十分惡心。雨僑有幸未收過那些變態信件,但就被癡漢粉絲纏擾。該粉絲甚至搬近其家,全天候捕捉她,雨僑說:「嗰位男子冇嘢做,每日留好多言,同埋我會賣二手衫,每次都有位阿叔掃曬。」肥佬黎提出一條賺錢門路:「你每件衫都配一條底褲,價錢可以double,咁就可以賣到好多錢!」雨僑又指常幻想有一天會被對方殺死,肥佬黎笑說:「佢𠵱家會唔會喺樓下?叫佢上嚟訪問嚇佢好喎!」

蔡瀾以往在節目分享過不少媾女秘訣,身為情場老手的他,亦十分關注時下年輕人怎樣搭訕。Jeana猶豫一會便說:「我知道𠵱家有句好犀利,以前男仔去中環識女仔,通常話May I buy your drink?但𠵱家好直接May I buy your bed?好犀利。」外觀較「戰鬥格」的寸嘴Barbie,稱曾被男子直接問其上圍大細:「最有印象就係問我What's your size ?」



■講述男歡女愛的《喜愛夜蒲3》,當然少不免色慾鏡頭。劇照

肥佬黎出題考Jeana

愛情從來沒有年齡界限,Jeana表示十多歲時曾遇上一名三十多歲的老外,雙方非常熟絡,她說:「嗰個年紀你會覺得如果有個老外拖住就型啲嘅!」肥佬黎指出成熟男士亦有他的優點:「最少佢識得點樣對女人,點樣去對待佢、take care佢,好多女人好appreciate㗎。」

節目尾聲,肥佬黎使出撒手鐧問Jeana尖銳的假設性問題:「譬如我每個月畀20萬你,但我唔出嚟嘅,總之得閒你上嚟陪我食嚇飯呀whatever都好,如果有啲咁嘅人你會唔會考慮?」正當Jeana不知如何作答之際,錢國偉為她擋駕:「我相信大部份都唔得,但每個人都有個價。個價如果去到一生人了無牽掛嘅,我覺得合埋眼一次又何妨呢?」雨僑說:「如果真係學你話齋真係一世無憂,十億身家一晚啫,但係世界上冇咁嘅交易。」



■雨僑自爆被癡漢粉絲騷擾,又笑說常幻想有一日被他殺害。



好友變情敵 派帖請飲去唔去好?

http://bit.ly/talk242801

拍性愛大戰唔清場 雨僑唔介意多人睇

http://bit.ly/talk242802

美麗有罪 隨時遇上攞你命fans

http://bit.ly/talk242803

網上女神拍床戲 雨僑係咪癡咗線

http://bit.ly/talk242804

一晚叫十幾萬酒 全因面子大過天

http://bit.ly/talk242805

Jeana有媾女金句 追阿sir雨僑有計

http://bit.ly/talk242806

有錢有心有力 臨老容易入花叢

http://bit.ly/talk242807

天下烏鴉一樣黑 Jeana:港女都好鹹濕

http://bit.ly/talk242808

老公爛滾 老婆唔離婚?!全因為B

http://bit.ly/talk242809

20萬包女明星?錢國偉:人人都有個價

http://bit.ly/talj242810



鍾意就快D Share啦!