掃呢頁CODE去手機

2014年1月17日 星期五

[忽然1周 964] 安仔與經理人炒大鑊 十嫂 Sammi慘變磨心 Sammi,許志安,安仔,鄭秀文,MW,




難為十嫂

安仔離巢,更與舊經理人郭啓華炒大鑊,和郭係手帕交嘅 Sammi惟有做和事老兩邊安撫,真係難為了「十嫂」。(許志安在家中排行第十)

娛樂喧

安仔與經理人炒大鑊 十嫂 Sammi慘變磨心

許志安和鄭秀文情路兜轉 23年,終在去年尾於峇里島結婚。當上一家之主的安仔,對住個身家過億的天後老婆,為免比下去,惟有搏命搵錢。

上月跟東亞結束 8年賓主關係的許志安,早在去年中已放聲氣表明自己價高者得,因他嫌所屬東亞唱片公司出手低,最後投靠舊僱主黃栢高。據知,安仔與經理人郭啓華日前在東亞寫字樓內炒大鑊,其間有人當眾直指安仔「冇道義」。

與郭啓華情同姊妹的 Sammi,手板係肉,手背又係肉,慘成磨心!

其他影片

許志安和 Sammi去年尾開花結果,安仔笑曬口指香港婚禮全部老婆話事,使幾多自己包起。一向被指女尊男卑的他,近日無論哈爾濱、內蒙古等偏遠地方請他登台做騷,總之價啱就做,搵得幾多得幾多。

累人受靶

郭啓華在 Sammi早年患抑鬱症期間當上其經理人,後來在 Sammi引線下做埋安仔經理人,三人關係一直良好。安仔今次為錢走人,累郭受靶。

唔揮獎

由於早已滿約東亞,舊公司沒有再用力為安仔「揮」獎,只在新城「派禮物」的頒獎禮及計播放率的「叱吒頒獎禮」得獎,剛舉行的「十大中文金曲」,安仔捧蛋。

揚言報恩過檔

除了愛情得意,安仔亦希望在事業上衝刺,可惜近幾年成績未如理想。去年中,東亞經理人郭啓華已跟他傾續約,但原來當時許志安早已另謀出路。「喺東亞八年,安仔個價一路冇升過, keep住 800萬兩年,加上佢覺得冇乜成績做到出嚟,咁啱呢段時間 Paco(黃栢高)嗰邊嘅『太陽娛樂』打算大做,話會開 1,500萬(兩年)俾佢。除咗睇錢份上,當年 Paco做安仔經理人時,安仔仲攞咗『最受歡迎男歌星』,在情在理安仔點都會揀 Paco。」安仔身邊人說。

愁隊紅酒

上星期,安仔出席完活動,與 Sammi髮型師 Billy到中環飲紅酒愁爆傾心事。與 Sammi、郭啓華的「三角僵持」關係,應該令他十分頭痛。

老婆老死

Sammi與 Billy合作無間,平時會一齊食飯慶祝生日,而 Billy亦與安仔稔熟,對其轉會一事相信也有俾意見。

挖角目標

Paco成功撬走安仔,下一步會出動安仔遊說兄弟蘇永康及梁漢文等過檔,將「太陽娛樂」發大嚟搞。

公司內炒大鑊

安仔決定重投 Paco懷抱,但一心諗住打友情牌的經理人郭啓華,早前得知許志安意向後,便相約對方上東亞辦公室開會,二人越傾越火,更嘈到全個 office都聽到。「林生(林建嶽)話安仔冇本心,仲鬧 Wallace(郭啓華)一早唔應該簽佢。 Wallace無端端俾老細鬧,嗰日咪搵安仔開拖囉,鬧佢掛住賺嗰少少錢,冇道義。」據知收到風的 Sammi為平息事件,原本為二人擺和頭酒,可惜一個話太忙,一個話冇嘢傾,令 Sammi左右做人難。

拉兄弟走

除了自己動身過檔 Paco的「太陽娛樂」外,據知,安仔還會叫埋好兄弟蘇永康和梁漢文走,而老婆 Sammi亦在被挖之列:「 Paco同安仔傾約嗰陣,講到明要安仔做先鋒,幫手搵番曬啲舊將好似蘇康、梁炳過檔,不過頭號目標人物就梗係安仔老婆 Sammi。 Paco覺得即使轉會費揦脷,但以佢哋夫妻檔出騷,肯定有肉食。」雖然 Paco有意擸埋 Sammi,但 Sammi無意跳槽。為免老公難做,向來轉數快的她即向 Paco一方開出盤口,講明若要她過檔,就一定要十萬月薪請埋郭啓華入「太陽娛樂」做其經理人。 Sammi擺明以進為退, Paco如意算盤應該打唔響。

對於與東亞結束關係及已簽 Paco做經理人,安仔在電話中一知記者來意即一輪嘴說,「哈哈……仲傾緊,遲啲話你知,我要做嘢喇, bye bye!」

將是安仔經理人的 Paco,對安、郭不和傳聞表示:「完全唔清楚。」是否想招兵買馬,挖埋安嫂過檔?他笑說:「嘩,諗到咁遠,搞掂咗依家嗰個(安仔)先啦!」

推上頂峰

與 Paco合作 6年,安仔於 01年成功爭贏無綫「最受歡迎男歌星」大獎,如今 Paco搵到大水喉出錢,開到聲要安仔幫手,報恩又好,睇錢份上又好,安仔過檔事在必行。

經典宣言

01年安仔與 Sammi一齊攞無綫「最受歡迎男、女歌星」,安仔在台上發表「廚房宣言」令 Sammi哭崩長城,可惜其後安仔事業後勁不繼。

其他影片


鍾意就快D Share啦!