2014年3月12日 星期三

[FACE 355] 一早鍾情 李思捷假相真愛 春卷:知佢鍾意杏兒 春卷,李思捷,王寶寶,MF,




週日( 9日),春卷在觀塘為微電影《爭仔愛作戰》開工,自己投資,春卷特別落力,完全冇受李思捷的新戀情影響喎!

真面目

一早鍾情 李思捷假相真愛 春卷:知佢鍾意杏兒

閱女無數嘅 39歲李思捷,上年同拍拖 4年女友春卷(王寶寶)分手收場,甩拖後仍不愁寂寞,上月又拖住緋聞女友陳雅倫出席生日派對,發揮集郵王本色。

直至上週二( 4日),胡杏兒在微博上載一張攬仔照,一句甜到漏「我找到了」,相中主角原來係李思捷,可惜網民反對聲音極高,情急之下,雙方齊齊改口風指只屬「惡作劇」。

本刊週日( 9日)追問正為微電影開工的春卷,有關「李胡戀」, 24歲春卷說:「 I know he likes her!」連舊愛都咁講,真的假不了喎!

問到前度李思捷和胡杏兒的戀情,春卷直言:「 I know he likes her!」,更話有聽過兩人拍拖一事。鬼妺性格,有嗰句講嗰句嘛!

據知,有心力溝胡杏兒的李思捷,原本計劃用一張相測試網民水溫,誰知個個反應咁大,全民插爆,為修復失地,二人才臨急改口風,以「惡作劇」打圓場,不過原來紙始終包唔住火!

情人節送花

一如以往,甩拖後的李思捷貫徹花心男作風,早前仲向花旦胡杏兒埋手。知情人士說︰「其實思捷喺 3個月前已經狂追杏兒,情人節仲送埋花,加上老死胡蓓蔚出手,搞到杏兒都有啲 feel!」

李思捷和胡杏兒早在 12年拍攝劇集《換樂無窮》時認識,其實一直都有聯絡,加上李思捷出名口技掂,氹到杏兒好開心,身邊班好姊妹都想杏兒快啲拍拖,個個爭住做紅娘。

夾定口供

上週二( 4日),胡杏兒上載一張攬仔照,更話「我找到了」,即時引來網民猜測,仲有不少人估中係李思捷,未開估已經有反對聲音。

網上圖片

攬仔照十幾個鐘後,胡杏兒上載男主角真身,鑑於網民一致反對,加上公司施壓,杏兒惟有改口風,以一句「對不起,你已被整蠱了!」完事。

網上圖片

上週三( 5日),李思捷和胡杏兒搭曬膊頭回港,杏兒回應戀情時說:「真係玩咋!大家唔好咁認真!」

《蘋果日報》圖片

1男 4女,仲要玩到面貼面扮咀嘴,李思捷成功融入「胡說八道會」,睇嚇佢個樣幾得戚!

網上圖片

韓國旅行團獨欠「胡說八道會」成員姚子羚(小圖),反而多咗李思捷,佢同胡杏兒仲不避忌排排坐。

見網民反應咁激,胡杏兒即刻改口風,為李思捷找下台階。

網上圖片

情人節翌日,胡杏兒大曬收到靚花嘅心情,「我找到了」曝光後,網民紛紛指出紮花係由李思捷送的。

網上圖片

春卷:見過杏兒幾次

週日( 9日),春卷在觀塘為自編自導自演的微電影《爭仔愛作戰》開工,戲中春卷為求留住男朋友,成個人瞓地捉實男友小腿,慘被拖行一段路。

上週五( 7日),春卷被拍得與日式便當公司「森川」的老闆兼大廚馮祖暉( Ken),在大坑撐枱腳開餐,離別時仲送上 goodbye kiss,春卷事後力證二人只是朋友關係,明嘅,鬼妺係 open啲嘅!

《蘋果日報》圖片

瞓身演出的春卷,慘被拖行一段路,雖然有滑板墊底,不過手腳仍有擦損。

單身後靠曬自己嘅春卷,當日落力演出,本刊上前問到和李思捷關係,她說:「我一年前已同佢分咗手,𠵱家只係朋友關係。(有冇聽過李思捷同胡杏兒拍拖?)梗係有聽過我哋私底下都有傾大家嘅近況,之前都有見過杏兒幾次。(真係拍拖?) I know he likes her!佢同『胡說八道會』其他成員,好似 Paisley(胡蓓蔚)、定欣、子羚都 friend嘅,但就冇杏兒咁傾得埋囉。」李思捷口味,春卷最清楚

自食其力

回復單身的春卷,最近自編自導自演微電影《爭仔愛作戰》,冇拖拍都可以活得好快樂!

回復單身的春卷,少咗李思捷大水喉射住,起居生活工作統統一腳踢。最近除一般模特兒及演員工作外,春卷仲自編自導自演微電影《爭仔愛作戰》,由搵演員、導演和贊助都親力親為,今次更自己投資 5位數,回唔回到本㗎?



鍾意就快D Share啦!
Related Posts Plugin for WordPress, Blogger...