李慧玲被炒，陳志雲曾表示商台三十多年來從未為政治跪低過，但雲海去年在節目中的六四言論就被刪走，不過雲海稱跟陳志雲不熟，甚至沒見過面，不願評論。
搜尋氣
TVB講外星人乜都得 雲海： UFO都係政治
聽雲海說 UFO、外星人、靈異事件這些異度空間的主題十幾年，最近 TVB搵佢主持外星人節目，一向噏乜都得，甚至連睇《星星》劇都可以搵到暗示，誰料話題一返回地皮、談政治、論六四就被河蟹！
去年 6月他主持商台《摩星嶺 4號》被強硬剪走 20分鐘六四內容，在他眼中是有人試水溫；其後發生李慧玲事件，及最近的劉進圖遇襲案，雲海認為傳媒已墮進自我審查的深淵，阿爺未出手就自閹。
最近《來自星星的你》講外星人喺地球生活咗 400年，真係有可能喎！西方相當多嘅個案聲稱外星人係有人嘅樣貌，融合社會係絕對有可能。我仲覺得個終極版，咪講男女主角住大屋想生仔嘅，其實唔同物種係生唔到仔，或者生出嚟係畸胎嘅，但套劇想講佢哋生到仔，即係暗示人類都係外星人囉！
UFO話題從來冇脫離政治，牽涉國防機密、影子政府，研究 UFO等同研究政府運作，我哋推動 UFO資訊就係要推動資訊自由。最初講啲有娛樂性嘅資訊吸引聽眾先，之後再講政府背後有咩動機陰謀，全部同政治有關。
我之前喺商台被剪走六四內容件事，真心覺得阿爺唔會低莊到搞啲咁嘅小動作，我屋企有一半人係左派，一半右派，我幾明白佢哋運作模式，所以呢件事係自我審查；𠵱家都未用槍指住你個頭就咁樣，用槍指住你嘅話就咩都做得出商台竟然自我閹割，唔係嘛！
監製話係商台高層林若寧（林夕徒弟）嘅決定，喂當年林若寧請我嚟做《摩星嶺 4號》係有個 deal，佢講到明係冇限制，乜都可以講，但最終你 cut走我 20分鐘，以前喺 Sina（新浪網）做節目都乜都鬧得，只要唔鬧一黨專政就得好似李慧玲事件，你覺得阿爺會閹你，你就自閹先！你都未傾續約，你驚乜呀？𠵱家左報都冇咁弱雞啦，都未去到咁擦鞋
李慧玲件事我唔意外，劉進圖遇襲我就覺得好意外，有啲好老資格嘅傳媒人話，或者唔關新聞自由事呢，嘩！你睇時間性、嚴重性同影響性，摸藤搵瓜，佢被斬係有警惕性嘛，點解要趁佢擰轉面劈佢唔傷心臟？又斬佢腳筋，好明顯係示警啦，唔係報復啦；有傳媒人竟然咁講，即係嚇怕咗，即係示警成功
|
鍾意就快D Share啦！
|
|
|
