2014年3月12日 星期三

[FACE 355] 巴黎煮飯 霆鋒攬冰冰開餐 霆鋒,李冰冰,冰冰,謝霆鋒,MF,




巴黎景點又靚又浪漫,霆鋒當然要捉住冰冰去為節目拍嚇外景,兩個一時攬腰一時拖手鬼咁 sweet。不過 friend啫,唔會咁都俾人話激嬲栢芝啩?網上圖片

FBI

巴黎煮飯 霆鋒攬冰冰開餐

今年巴黎 2014秋冬時裝節開騷,重點唔係邊個女星著得靚,而係各自離婚後首次同時間喺巴黎嘅王菲同謝霆鋒。有傳趙薇撥行扇想拉番埋「王鋒」;又有指霆鋒曾經暗示王菲先係一生最愛,復合傳聞講到似層層,不過兩個當事人一向鍾意玩神秘,點會咁易俾記者影到個世紀飯局呢?

同前度玩低調,對住多年好友範冰冰就大方得多。睇完 fashion show,霆鋒順便為自己個飲食節目《十二道鋒味》喺當地錄影,仲請到「範爺」做嘉賓,兩人 05年拍電視劇《小魚兒與花無缺》做夫妻,多年來都保持聯絡。冰冰今時今日名花有主心繫李治廷,所以兩個喺大班記者面前亦大方攬腰拖手任影,霆鋒仲親自去羅浮宮接女神,鬼咁體貼。傳聞霆鋒之後南下落趙薇喺波爾多購入嘅酒莊錄影,盛傳王菲都在場,即管睇嚇到時二人會唔會有「世紀合照」或「世紀飯局」囉。

經理人 Mani將同霆鋒去擦海鮮餐嘅 chok相放上微博。食海鮮啫,唔使咁 chok呀?網上圖片

睇番 05年嘅《小魚兒與花無缺》,霆鋒 chok樣冇乜大分別,冰冰當時就明顯未變「刀削面」。網上圖片

唔通因為同霆鋒見面,所以心情靚爆,同趙薇身在巴黎嘅王菲開心玩互拍?網上圖片

見咗王菲?

網上圖片

有傳霆鋒到咗法國冇耐已經秘密同王菲見過面,上星期霆鋒更已拉隊去趙薇位於法國西南部嘅酒莊 Chatean Monlot拍《十二道鋒味》,不過鏡頭前就唔見王菲喇。



鍾意就快D Share啦!
Related Posts Plugin for WordPress, Blogger...