2014年3月12日 星期三

[FACE 355] 全城估誰是歌手? 細細粒︰我唱唔出奇 細細粒,MF,




MV曬泳衣

細細粒話初初唔想著泳衣,不過佢話首歌有 gimmick,所以先肯犧牲少少喎。而細細粒呢件係 H&M 2012年出品嘅泳衣,之前霍啟山緋聞女友 Lea T.都著過,細細粒咁都著得落?

FBI

全城估誰是歌手? 細細粒︰我唱唔出奇

上個禮拜,網上瘋傳一個細細粒(陳嘉佳)擔正嘅 MV,歌名叫〈愈來愈正常〉。冇提主唱、冇作曲作詞, YouTube簡介只顯示「 C-12」,擺明玩嘢要人估班底,但兩日已經有 7萬幾點擊率,網民勁 like!

FBI於是向細細粒大逼供,佢點都唔肯講主唱係邊個,「拍之前已經講明保密,知道要著泳衣,又要拍得好血腥,但首歌係有意思嘅,有人估我唱唔出奇喎,我唱歌都好好聽㗎!」據聞細細粒遲嚇堅出碟,仲已經同唱片公司傾緊,不過,呢首歌唔係佢唱嘅!

唔少網民聽聲認人,有兩位女歌手最有「嫌疑」,一個係就快開演唱會,又同佢合作拍《老表》嘅王菀之,另一個係失蹤咗一排嘅關心妍。成個 project似乎有曬 plan,隔咗兩日,旺角、尖沙咀、銅鑼灣幾條街都貼曬兩款宣傳海報,大玩《星星》熱同「 AV仁」, FBI八到唱片公司 3月尾先會正式揭盅喎!好吊癮啫!

網上圖片

細細粒話自己唱歌唔差,話網民估係佢唱唔出奇,佢仲話好欣賞呢首歌真正主唱嘅女歌手。

細細粒遲嚇有機會出碟,今次拍 MV當熱身。

〈愈來愈正常〉歌詞諷刺,連 poster都寸寸貢,右面嗰張擺明係向「 AV仁」致敬

YouTube 2日有 7萬幾點擊率,全城估製作班底,而多數網民估主唱係王菀之同關心妍。



鍾意就快D Share啦!
Related Posts Plugin for WordPress, Blogger...