2014年3月12日 星期三

[FACE 355] TVB氹續約 吳卓羲《叛逃》解封 TVB,吳卓羲,MF,




Toby同吳卓羲拍《衝Ⅱ》期間發生泳池肉搏事件,事隔 10個月, Toby老公就提出離婚。 2月初《 FACE》爆出 Toby搬返外家直認離婚,上週四( 6日), Toby同卓羲同場出席活動大方合照。卓羲仲話:「一直冇尷尬,識咗佢好多年,好朋友程度係好似阿哥同細妹。」

FBI

TVB氹續約 吳卓羲《叛逃》解封

貶做倉底劇通常好難「黃金復活」,但下星期一( 17日)播嘅《叛逃》(前名:《 ATF反恐》)可算異數。

呢套劇 11年拍攝,當時諗住半年後播映,點知因為女主角蒙嘉慧唔續約 TVB,以 TVB點都唔益外人嘅作風,《叛》劇即時被掟入倉底。咁點解《叛》劇明明封曬塵又突然重見光明? FBI八到原因係男一嘅吳卓羲下年就約滿 TVB, TVB為免又多個小生離巢,為氹掂卓羲續約所以將套劇解封,仲喺九點半黃金時段播。為咗挽留卓羲, TVB今年仲會重點穀,好似啱啱拍完嘅《醋娘子》就畀卓羲孭飛,之後仲會孖住黃秋生拍新劇《梟雄》。公司咁有誠意,卓羲都好開心,佢同 FBI講:「等咗咁耐終於播,當然開心啦。我拍呢套劇試過跌斷腳㗎!(係咪因為氹你續約先播?)唔係!唔想同《飛虎》撞啫。出年係完約,亦有內地公司斟我,不過我未諗住,但冇 TVB點會有我呢?拍完曬劇我先諗去向,但暫時無綫係我首選。」有來有往,似乎氹得掂喎!

擺足 3年倉底

《叛逃》講兄弟相殘,有傳陳展鵬戲分仲多過卓羲,不過邊個搶啲,下週一自有分曉。

劇中卓羲有唔少動作場面,全部親身上陣,仲試過整傷左膝,咁搏都被放入倉底,真嘥料。《蘋果日報》圖片

TVB今年終於力穀卓羲,《叛逃》解封,新劇《梟雄》拍秋生,卓羲賣曬口乖:「冇 TVB點會有吳卓羲?」



鍾意就快D Share啦!
Related Posts Plugin for WordPress, Blogger...