掃呢頁CODE去手機

2014年3月12日 星期三

[FACE 355] 兒女債 速走三場 栢芝撲水止跌 MF,




去上海錄影節目,咁啱檔期就到,栢芝決定去埋上海 MCM位於 iapm Mall嘅旗艦店開幕賺多筆。

真面目

兒女債 速走三場 栢芝撲水止跌

新聞女王張栢芝一拖二到新加坡定居,最近終於幫 Lucas和 Quintus搵到學校,安頓好兩個寶貝仔後,栢芝即復出搵銀。

話就話秘密移民新加坡,不過在微博隔日總有栢芝的出沒消息,而栢芝亦唔介意接受當地傳媒訪問,與市民分享在新加坡生活的點滴。親民有運行,連帶栢芝在大陸的騷價亦回勇,上週上海、南京連走 3場賺真銀!養兒撲水應該嘅!

栢芝雖然已經移民新加坡,但生活照經常喺微博出現,睇嚟一家三口喺新加坡都幾 happy。網上圖片

上週日( 2日),栢芝撇下兩子獨自返港,完成電台錄音工作後,上週一( 3日)與老友化妝師 Rick Chin飛往上海,出席東方衞視的綜藝節目《媽媽咪呀》第二季錄影,栢芝更一口氣連錄三集。馬不停蹄,上週五( 7日)栢芝又出席上海 MCM的旗艦店活動,據知栢芝遲到 45分鐘,再逗留 45分鐘的活動已淨袋約 1百萬人仔;而 3集《媽媽咪呀》錄影加 1集《最強大腦》亦為栢芝帶來約 350萬「人仔」進帳。

淨袋 500萬

「栢芝雖然有一段時間冇出嚟,不過佢喺國內仲有價有市,間中都有品牌或者廣告商搵佢,只係佢推咗唔接。佢之前都有話要安頓好兩個仔先會返出嚟接 job,𠵱家應該係時候活躍返出嚟啦。」

搵夠快錢,栢芝週日( 9日)由上海乘早機返港,再立即轉機返新加坡繼續湊仔,只係短短一星期就搵近 5百萬「人仔」,拍戲咁辛苦又冇得湊仔,栢芝當然唔吼啦。

7/3上海

大會 7:30pm開始酒會,栢芝就 8:15pm至到,跟手入鋪行 2個圈再影多幾張合照鬆人, 1百萬袋袋平安。

4/3上海

錄影完《媽媽咪呀》後,栢芝趕多場去南京見嚇呢期紅爆嘅金秀賢,適逢 3.8婦女節,栢芝仲可以親手收到金秀賢送嘅花,羨慕死人。網上圖片

8/3南京(網上圖片)

去完 MCM活動,栢芝拉大隊去咗小鷺鷺食上海菜。呢間餐廳相當有名,唔少明星都喜歡幫襯。

錄好 8集爆料

栢芝老死、化妝師 Rick Chin已經主持咗一段時間嘅商台晚間節目《起來!大龍鳳》,之前搵過吳千語做嘉賓,隨住栢芝加入,千語 BB就要 bye bye。據知栢芝已經完成 8集錄音,並安排喺 3月尾播出,每星期播一集,至於會唔會添食就要睇反應。有傳栢芝仲會大爆 Edison的「特別癖好」,肯定有 noise

同栢芝相識超過 10年嘅化妝師 Rick Chin搞電台節目「起來!大龍鳳」,栢芝二話不說免費做嘉賓撐老友。

淫照事件後,栢芝曾上過有線話 Edison貓哭老鼠,今次做電台嘉賓,又會爆乜呢?



鍾意就快D Share啦!