2014年3月12日 星期三

[FACE 355] 首認分手 林宥嘉偷戀 29歲姐姐  G.E.M.斬纜:唔想再提佢 G.E.M.,林宥嘉,鄧紫棋,MF,




G.E.M.週日( 9日)由北京返港,被問到分手時強顏歡笑,但仍然唔肯開口鬧爆林宥嘉。

封面

首認分手 林宥嘉偷戀 29歲姐姐  G.E.M.斬纜:唔想再提佢

全靠參加《我是歌手》, 22歲 G.E.M.瞬間爆紅,可惜贏了名氣輸了感情。上週五( 7日)播出的第九集, G.E.M.以周傑倫〈龍捲風〉參賽,憑歌寄意,暗示與林宥嘉結束 3年情。

名氣大增,有指 G.E.M.為做天後飛起林宥嘉,傳聞滿天飛。不過據本刊獲悉,移情別戀的是另有其人, 3年間多次惹上緋聞的林宥嘉,在今年 2月,其私人 facebook的 status轉為「 Single」,偷偷戀上大自己 3年的台灣過氣歌手丁文琪,兩人更共度情人節。有新歡萬事足的林宥嘉,當然置 G.E.M.於不理,好在 G.E.M.愛得起放得低,週日從北京回港的她,在機場首認分手,不斷叫記者「睇歌詞」,更灑脫話:「冇興趣再答林宥嘉嘅問題!」各自上路。

相戀以來一直保持低調,甚至試過維護戀情與記者起衝突, G.E.M.與林宥嘉呢對小情人偷偷摸摸 3年後,去年 6月雙雙入選台灣「金曲獎」最佳男女演唱人獎項,反高潮十指緊扣步入紅地氈,以實際行動公告戀情兼互相支持。

終極小三台妹丁文琪

網上圖片

樣貌清純的丁文琪,曾做過歌手,現已退出娛樂圈轉行做設計,但仍與一班圈中人來往。

共度情人節

情人節正日,丁文琪在 fb上疑似公開戀情,雖然冇開名,但擺到明係拍緊拖。

只拖一次

去年 7月台灣金曲獎,林宥嘉高調拖實 G.E.M.行紅地氈,估唔到唔夠 1年已經玩完。

大男人性格

隨著今年初 G.E.M.參加湖南衞視《我是歌手》,微博粉絲在短短一個月間從 1百萬暴增至 7百萬,紅透強國反超前男友;之後,兩人的分手消息亦愈傳愈盛,有指兩人相隔異地感情漸淡、亦有傳男方在台灣搭上同公司師妹陳匡怡,更多傳聞是指 G.E.M.為做天後,不想戀情做絆腳石,狠心飛男友。

據知情人士透露, G.E.M.對 3年情諸多不捨,其實是男方另結新歡:「 G.E.M.同 Yoga各有各忙又係 Long D relationship,咁多年都係講個信字,不過 Yoga都幾大男人,份人又藝術家脾氣,好多時對人忽冷忽熱, G.E.M.點會好受?不過,嗰個師妹(陳匡怡)就只係煙幕,新歡真係估佢唔到!係 10年前台灣歌手丁文琪,𠵱家冇做呢行,所以仲未有人發現。」以為唔會穿煲,可惜林宥嘉卻被唱片公司幕後人員篤背脊東窗事發。

上年林宥嘉在台灣「野台開唱」任表演嘉賓,丁文琪都有去捧場。

2012年 5月, S.H.E.的 Ella結婚,同門師弟林宥嘉及好友丁文琪都有同場出席。

師妹煙幕陳匡怡

網上圖片

林宥嘉一度同師妹陳匡怡傳緋聞,但其實真正小三係另一台妹丁文琪。

霆鋒師妹

原名江文琪的丁文琪, 02年由台灣來港發展,簽約英皇旗下,成為謝霆鋒、容祖兒師妹。丁曾推出過 3張專輯,可惜穀極唔起; 04年回流台灣發展,後來再去日本讀時裝設計,曾幫好友 S.H.E.的演唱會設計帽。

當年丁文琪加盟英皇受到力捧,簽約時連霆鋒都有撐場。路透社圖片

S.H.E.同丁文琪份屬好友,丁更曾幫手設計演唱會帽子。

S.H.E.介紹

從 G.E.M.手上搶走林宥嘉的小三,是現年 29歲的丁文琪,早在 16歲就以甜美唱作型少女形象在台灣出道,更曾經簽約英皇唱片在港發展。不過歌路不突出、港台兩地都半紅不黑,近年轉攻設計以設計師自居。

雖然淡出幕前,丁文琪的交友圈卻一直維持在唱片界,據悉正是丁文琪姊妹淘、台灣組合 S.H.E.三女介紹認識,無意間撮合了師弟的姐弟戀。「 Yoga同丁文琪其實一早識,不過一直唔算熟絡,自從舊年 8月兩個喺『野台開唱』(台灣每年舉辦的大型音樂活動)再遇番, update番大家電話,之後兩個就開始聯絡,由去年尾開始仲成日約埋一齊踩單車、跑步,到咗今年,佢兩個直頭打得火熱,睇完戲 Yoga仲會將兩人嘅票尾影低放上私人 fb,雖然冇講同邊個睇,但唱片公司啲同事好多都知乜事今年情人節,兩個仲一齊過兼互送禮物,完全係拍拖初期小情侶咁款!變心都算喇,最冇品係冇交代,先至搞到 G.E.M.上個月失曬常,喺微博鬧人囉。」知情人士說。

上月佛山個唱突然由 2月 14日情人節提早到 2月 13日,莫非 G.E.M.怕正日唱慘情歌會失控,刻意改期?《蘋果日報》圖片

FB宣布單身

偷戀大自己 3年的台妹,估唔到 Yoga竟然先發制人,今年 2月,突然將自己的私人 facebook的 status由「 In a relationship」改為「 Single」,單方面宣布分手,亦明落 G.E.M.面。

對於林宥嘉冇品劈腿, G.E.M.週日( 9日)由北京回港時,仍然對舊愛非常維護,「我冇興趣答佢嘅問題,唔想再提佢!過去嘅事唔想再講喇!(係咪因為第三者而分手?)你自己睇〈龍捲風〉歌詞」

G.E.M.聽另一參賽者張傑唱慘情歌〈 Angel〉時,都忍唔住眼濕濕。

大受情傷的 G.E.M.,公開對住鏡頭話會振作,「唱完這首歌就好好的生活!」

新浪網圖片

愛情來的太快就像龍捲風

我不要再想 我不要再想

我不 我不 我不要再想你

上週五播出的《我是歌手 2》中, G.E.M.揀咗周傑倫的〈龍捲風〉,憑歌寄意暗示分手。

甜蜜 3年 '10 12月熊抱

2010年聖誕節,本刊發現林宥嘉秘密來港見 G.E.M.,兩人到荃灣睇戲,又公然在街上熊抱,最後兩人返回女方寓所見到記者, Yoga即火爆護花想打人。

'13 4月睇騷

上年 G.E.M.在紅館開演唱會,林宥嘉明知大把記者在場,仍然現身入後台為女友打氣,逗留半個鐘後離開。

'13 6月歐遊

網上圖片

聲稱去歐洲遊學的 G.E.M.,先後被網友踢爆同林宥嘉在紐約、德國等地方拍拖,兩個月內遊遍日本、美國、法國、德國及奧地利。

'13 7月拖手

分別在台灣「金曲獎」爭最佳男女歌手,林宥嘉同 G.E.M.忽然高調拖住手入場行紅地氈,林宥嘉仲體貼幫女友拉裙尾,又公開攬到實!



鍾意就快D Share啦!
Related Posts Plugin for WordPress, Blogger...