娛樂喧
瑜伽谷胸冧星爺 魔鬼胸蔚雨芯做梗《美人魚》
周星馳籌拍中的科幻電影《美人魚》玩網上海選，有「魔鬼胸」之稱的 Rainky蔚雨芯，首輪投票以 61萬票大比數「跑出」，連同許雅婷（ Kabby）、松岡李那、「寸嘴 Barbie」夏尉喻和崔碧珈，代表香港到北京參加《美人魚》面試。
面對另外 42名候選人， Rainky冇有怕，更信心十足：「身材個個都好，但我比其他女仔全能！」力 sell自己波大有腦。其實為了令身形曲線更靚做美人魚，她早前特別苦練空中瑜伽，新一任「星女郎」她志在必得。
周星馳下月中開拍新片《美人魚》，近日公開招考新人，飾演戲中四名美人魚女主角，上周 43強參賽者分別起程到北京接受評判測試。入圍女仔全部都要簽保密協議，上周她們頭兩日綵排兼拍花絮，第三日才穿上比堅尼與評判見面。
星爺親自出題
星爺雖然冇現身北京，但亦有透過視像會議全程𥄫實。星爺親自出題，要參賽者以刁蠻、性感、柏金遜、蠱惑、可愛、兇狠和淑女七種方式，演繹對白：「服務員！一份鳳爪排骨飯，不要葱，加煎雙蛋，鷄蛋千萬不能煮太熟，吃在嘴裏時蛋汁要從嘴裏爆出來！」根據眾女表現，月尾再選出最後 12強， 9月 15日會進行決賽，由星爺現場選出最後 4名美人魚。
這次有幸入圍《美人魚》 43強的香港區代表，分別是許雅婷 Kabby、松岡李那、「寸嘴 Barbie」夏尉喻、蔚雨芯及擁有 G cup驕人身材的崔碧珈，個個都是有「料」之人。不過據悉在香港區代表當中，「魔鬼胸」 Rainky及崔碧珈因為對答大體，最得評審團歡心。
「其實唔少內地參賽者票數都好高，不過佢哋真人同參賽張相質素差好遠。面試當日，大部分參賽者演技都好浮誇，反而 Rainky演出一段黃聖依喺《功夫》嘅喊戲，話喊就喊，加咗唔少分。入得 43強個個都身材好，但評審覺得 Rainky仲識唱歌、跳舞、太極同瑜伽，可塑性高，所以 Rainky入梗 12強。寸嘴 Barbie係錢國偉愛將，崔碧珈就有 Paco撐腰，佢哋同城城緋聞女友 Kabby都好大機會。至於松岡李那表現都 OK，不過佢普通話麻麻，呢樣就較輸蝕。」知情者透露。
設宴賀入圍
網上第二輪投票，香港區代表亦以 Rainky暫時票數最高。本周一（ 25日）， Rainky出席經理人公司「澳滌娛樂」正式開張，她亦心情甚好。被問到係咪入梗 12強， Rainky信心十足：「信心都大嘅，不過真係未知結果，要月底先知。（覺得自己邊方面優勝？）身材個個都好好，但我比其他女仔全能，唱歌跳舞都得！」
雖然 Rainky避忌話未知結果，不過記者發現 Rainky出席完活動後，隨即獲公司秘密在紅磡設宴慶祝。席間其經理人文滌更向公司上下，宣布 Rainky入圍《美人魚》 12強， Rainky更 high爆乾杯。有機會同星爺拍住上，難怪 Rainky心情咁靚
星爺愛大胸
人人爭做星女郎，皆因被周星馳睇中，隨時山雞變鳳凰！要成為星女郎要有乜基本條件？有身材是常識吧！
|
鍾意就快D Share啦！
|
|
|
