熱爆娛樂: [FACE 376] 敬老　半百藝人收片真相　馬賽氹掂劉丹攞着數馬賽,劉丹,MF,

2014年8月6日星期三

[FACE 376] 敬老　半百藝人收片真相　馬賽氹掂劉丹攞着數馬賽,劉丹,MF,

馬賽與劉丹因拍攝《神探高倫布》而認識，對住咁有份量嘅人，馬賽梗係每分每秒都笑容滿面啦。

真面目

敬老　半百藝人收片真相　馬賽氹掂劉丹攞着數

着情趣內衣視頻加艷照，令馬賽苦心經營嘅「純純免」招牌當場粉碎，連番大話更觸動舊愛汪子琦神經，公開數爆馬賽喜愛制服誘惑、拍片等癖好；甚至試過將私照短片傳畀一位年過半百嘅男藝人。

雖然 64歲劉松仁最大嫌疑，但大台助導圈子中卻出現另一版本，竟然年屆 69歲嘅丹爺劉丹都上榜，唔係啩？！

馬賽臭史愈爆愈多，亦牽連埋劉松仁，但原來啱啱榮升做爺爺嘅劉丹都有份。事緣去年，馬賽拍攝《神探高倫布》時，見到丹爺喺片場有地位有權力，又同珍姐（曾勵珍）相熟，仲係打牌鐵腳，「純純免」於是二話不說埋身冧盡丹爺攞着數。

上月 23日，馬賽着住情趣內衣跳艷舞片段曝光，片中馬賽極度風騷，姣味十足，與平時的形象判若兩人，但亦有唔少網友讚佢舞姿唔錯。網上圖片

馬賽流出着住情趣內衣的視頻，仲有張雙手遮胸相，「純純免」形象瞬間破滅。網上圖片

推薦做《巾幗》女二

連番攻勢，馬賽嗲掂丹爺，傳聞有次丹爺同珍姐打牌，竟然開聲幫馬賽爭取好角色，雖然當時馬賽已經接拍劇集《巾幗梟雄之諜血長天》，但無幾耐，馬賽無端端升上第二女主角，據聞當時好多反對聲音，明眼人一睇就知咩事。

成功得米的馬賽當然黐實丹爺，不過丹爺就唔多領情，覺得對方愈來愈大膽，好快就刻意保持距離。本刊連日致電丹爺求證，但一直未有回覆。