熱爆娛樂: [FACE 379] 姻緣運　女友入屋　周柏豪求佛催旺柏豪,周柏豪,MF,

2014年8月27日星期三

[FACE 379] 姻緣運　女友入屋　周柏豪求佛催旺柏豪,周柏豪,MF,

一見記者在場，柏豪即刻當女友 Stephanie（紅圈）透明咁自己行出門口。女友亦非常「交戲」自動波走入鋪內，直頭當唔識咁。

真面目

姻緣運　女友入屋　周柏豪求佛催旺

潮人拍拖去邊？當然唔會去老銅或者 ifc咁娘。潮界男神周柏豪，雖然有位眾所週知嘅 I.T buyer女友 Stephanie，不過柏豪拍拖一向好低調，但其實潮神原來都要拍拖嘅。

週日（ 24日）潮豪就孖女友同老豆一齊到太平山街「鳩嗚」，期間到一間賣藏傳佛教精品店逗留兩個鐘，一心想買番兩尊潮佛返屋企搞旺個場。但柏豪一見記者即刻扮「單拖」同女友行開幾丈遠，係呀，唔知以為佢哋兩個唔識添！潮人係咁拍拖㗎喇！唔通同你十指緊扣行街咩？

其他影片：>>潮男周柏豪　女友見光速閃

就快 30歲嘅周柏豪除咗潮之外，一向畀人感覺「有文化」，平時喺 ig騷靚相寫吓潮文，原來拍拖地方都潮過人。雖然同女友 Stephanie關係穩定談婚論嫁，但柏豪到𠵱家都一樣將愛情低調。週日（ 24日）柏豪揸住部 110萬 Benz越野車到上環太平山街，同女友拍拖之餘，連周父亦在場順便聚埋天倫。一家去了一間柏豪好朋友所開的專賣藏傳佛教精品店。逗留兩個鐘，期間柏豪對放在門口的一尊價值 8,700元的佛相當入神，似乎想買尊佛返屋企搞旺個場兼再增事業運。但冇耐一發現記者後，柏豪即同女友保持九丈遠距離，女友亦相當配合，即時同老闆入去休息室，仲喺後門走人；而柏豪亦掉低女友，同老豆一齊離開。

柏豪週一在電話中回應：「嗰日演唱會綵排完，成班朋友就去咗朋友開嘅精品店睇下嘢啫!（女友都喺度喎!）成班朋友係度。」嗱!做男神女友係要識隱形。