[FACE 379 大專校園] 嶺大最索女飛魚 有圖有真相 MF,

李灝茵 Vivian　嶺大市場學 Yr.3

U花 U草

嶺大最索女飛魚　有圖有真相

Come On！諗住憑對全天候滴水不漏嘅假眼睫毛，加七月十四別注版嘅零眼白大眼仔，就能夠練成女神收兵法的話，你真係好傻好天真！今時今日做女友，除咗肯同另一半捱麥記，肯唔怕妝溶同唔補防曬嘅女仔，先係極品！

其他影片：>>嶺大 Vivian係高登字母妹

正如就讀嶺大市場系 Yr.3的李灝茵（ Vivian），就係這種極品。由小一開始， Vivian就勁運動，係游泳高手，蛙背蝶自樣樣精，小中大學都代表學校贏咗唔少獎。

現時 20歲嘅 Vivian，由細開始養狗，所以原本想做獸醫：「一來成績唔夠好，二來香港冇得讀，所以放棄咗。」

話晒 Vivian身高 168cm，又係嶺大風頭躉，男友當然唔會係蝦兵蟹將。 Vivian只肯透露佢男友都係同宿舍，身高 6呎，亦係運動健將！咁無敵，這機會不是屬於我的。

小一前嘅 Vivian生得肥嘟嘟，個個親戚話佢「肥騰騰」，叫叫吓就變咗 Vivian。

由於 Vivian住宿舍時，適逢同房都叫 Vivian，所以大家都稱她們叫大細 V或大細字母，巴打仲留言問點解唔係兩姊妹都一齊有拖拍！

人靚運動又叻，成為校內風頭躉係常識， Vivian喺嶺大係萬人迷，唔少嶺大同學都聽過佢大名，連高登巴打都有 Vivian嘅討論，不過只有文冇圖，完全唔識高登規矩。「我冇諗過我拍拖都會俾網友當話題放上高登，我自細坐唔定，唔只游水、跑步、打泰拳做 gym都好鍾意，所以揀男友都要揀 sporty啲嘅！」𠵱家有圖有真相， Vivian咁靚女，不過盤已封，一眾巴打只好望圖葡萄吓！

100米自由式冠軍

自細就係游泳高手，為校攞過唔少獎。 2012年， Vivian代表 hall A奪得自由泳 100米冠軍，堅係女飛魚。

舞林高手

本來 Vivian一心入嶺大 Danso，但入學時參加了宿舍迎新營，之後就上理 hall莊，不過 Vivian校外都有學 Jazz同 hip hop。

大晒三點式

唔係個個女生願意同陽光做朋友， Vivian熱愛戶外活動，更毫不吝嗇着三點式拍照。

鍾意就快D Share啦！

下一篇 》