2014年8月27日 星期三

[FACE 379] 姻緣運 女友入屋 周柏豪求佛催旺 柏豪,周柏豪,MF,




一見記者在場,柏豪即刻當女友 Stephanie(紅圈)透明咁自己行出門口。女友亦非常「交戲」自動波走入鋪內,直頭當唔識咁。

真面目

姻緣運 女友入屋 周柏豪求佛催旺

潮人拍拖去邊?當然唔會去老銅或者 ifc咁娘。潮界男神周柏豪,雖然有位眾所週知嘅 I.T buyer女友 Stephanie,不過柏豪拍拖一向好低調,但其實潮神原來都要拍拖嘅。

週日( 24日)潮豪就孖女友同老豆一齊到太平山街「鳩嗚」,期間到一間賣藏傳佛教精品店逗留兩個鐘,一心想買番兩尊潮佛返屋企搞旺個場。但柏豪一見記者即刻扮「單拖」同女友行開幾丈遠,係呀,唔知以為佢哋兩個唔識添!潮人係咁拍拖㗎喇!唔通同你十指緊扣行街咩?







就快 30歲嘅周柏豪除咗潮之外,一向畀人感覺「有文化」,平時喺 ig騷靚相寫吓潮文,原來拍拖地方都潮過人。雖然同女友 Stephanie關係穩定談婚論嫁,但柏豪到𠵱家都一樣將愛情低調。週日( 24日)柏豪揸住部 110萬 Benz越野車到上環太平山街,同女友拍拖之餘,連周父亦在場順便聚埋天倫。一家去了一間柏豪好朋友所開的專賣藏傳佛教精品店。逗留兩個鐘,期間柏豪對放在門口的一尊價值 8,700元的佛相當入神,似乎想買尊佛返屋企搞旺個場兼再增事業運。但冇耐一發現記者後,柏豪即同女友保持九丈遠距離,女友亦相當配合,即時同老闆入去休息室,仲喺後門走人;而柏豪亦掉低女友,同老豆一齊離開。

柏豪週一在電話中回應:「嗰日演唱會綵排完,成班朋友就去咗朋友開嘅精品店睇下嘢啫!(女友都喺度喎!)成班朋友係度。」嗱!做男神女友係要識隱形。

柏豪走先,留低女友 Stephanie一個人喺鋪頭。男友走咗成個人鬆晒,仲同朋友傾到笑到唔停口。

當日柏豪爸爸(紅圈)亦在場,證明女友入晒屋,深得周父鍾愛。

柏豪同家人關係密切,經常出街都成家出動。周父(右)亦受愛子感染,着衫都潮㗎!《蘋果日報》圖片

自駕走人

柏豪喺網上一向敢言,但一問到女友就即刻啞晒,只係識叫記者「記住影多啲個門口,我朋友開㗎間鋪。」

下月 25日柏豪首度喺紅館開騷,反應熱烈爆晒場。連月來喺排舞室密密操,估唔到都有時間拍拖。《蘋果日報》圖片

康城同居

柏豪同女友拍拖多年,由以前一齊住將軍澳屋邨,到家陣搬去康城,唔係法國嗰個,係將軍澳日出康城呀!

柏豪話去完上環,之後就即刻去同橫洲工業練波喎。真係?定係同女友喺第二度拍拖呢?

新興潮街去過未?

太平山街本來係上環一個舊區,唐樓同車房林立,但近年多咗特色 cafe、藝廊同小眾潮店如 Konzepp、 Secret Ingredient,加上街道多塗鴉,連欄桿都有針織,成班潮人爭住去。



鍾意就快D Share啦!
Related Posts Plugin for WordPress, Blogger...