熱爆娛樂: [FACE 379] 法庭見　籌百萬律師費　江若琳捱$26燒味飯江若琳,MF,

2014年8月27日星期三

[FACE 379] 法庭見　籌百萬律師費　江若琳捱$26燒味飯江若琳,MF,

江若琳停工 3個月，本月 16日復出出席手表活動，據知酬勞高達 6位數，雖然可以全數落袋，不過要應付一年百萬嘅律師費，江若琳仍然憂心重重。

真面目

法庭見　籌百萬律師費　江若琳捱$26燒味飯

江若琳同前老闆寰宇嘅合約風波至今仍未解決，停工 3個月嘅江若琳，𠵱家每個月要負擔 15萬律師費，真係手停口停。

本月 16日，江若琳「復出」出席手表活動，雖然有 6位數酬勞，但她非常慳家，活動前只係去超市買晚餐，最後揀咗個特價 26蚊嘅燒味飯醫肚。唉！同舊公司官司有排打，分分鐘拖一年先正式上庭，江若琳真係有排捱……飯盒。

江若琳同前老闆林小明最終都要對簿公堂，打官司解決。據知單官司保守估計起碼要打足一年，閒閒地使百萬，江若琳每月嘅律師費就大約 15萬，對於喺香港冇工開嘅江若琳，真係幾吃力。

不過馬死落地行，為應付龐大律師費，江若琳發力轉戰外地掘金，嚟緊 9月會飛去韓國嘅一間賭場登台做表演嘉賓；另外，一個內地導演亦有意搵她任新戲嘅女主角，據聞亦已經成事。雖然工作開始重回軌道，不過面對成百萬嘅律師費，江若琳慳得就慳。本月 16日，江若琳出席手表活動前去 salon整頭，趁住超市飯盒特價時段就衝去買晚餐，左揀右揀，最後揀咗盒特價 26蚊嘅燒味雙拼飯，埋單嘅時候仲嘴扁扁，但到咗同韓星安宰賢上到台，點都要笑一笑交功課，呢啲咪叫表面風光囉。