張曼玉 49歲
全知言
講呢啲 仲睇香港小姐？
識睇一定睇香港小姐？哈哈哈，家冇呢支歌仔唱喇！唔好話全知言有偏見，就算跑出咗民望較高嘅陳凱琳，都搶救唔到港姐騷 so boring嘅事實。
反而以前出品嘅港姐先係美貌與智慧並重囉！就算家陣上咗年紀都仍然風韻猶存，睇吓班星同街坊揀邊個係「最美麗港姐」仲好
氣質贏晒
我會揀張曼玉小姐，佢後生嘅時候感覺好清純，嵋家仲 keep得好有氣質，一個女人靚最緊要有氣質，因為個樣會變、皺紋會多，唯獨氣質係會日積月累，包括佢自己有嘅內涵先有咁嘅氣質。佢嵋家仲愈變愈靚、愈變愈有味道，雖然少咗後生嗰份甜美，不過嵋家依然 keep住有味道嘅笑容同氣質。
貴氣厚唇
我覺得朱玲玲最靚，因為佢好有貴氣，呢個氣質仲係咁多屆唯一一個得佢擁有。朱玲玲最靚嘅地方就係五官組合好有神韻，至於佢嘅眼睛、鼻同嘴，我就最鍾意個嘴，因為有啲女仔會厚得嚟唔靚，不過佢厚得嚟就好性感，有一種大家閨秀、貴氣嘅感覺。
溫柔又窩心
我揀趙雅芝。雖然我唔知佢邊一年同攞咗咩名次，但就覺得佢好靚，好有氣質、好 elegant，做嘢又認真，家庭同生活都兼顧得好好，我都希望自己有一日可以好似佢咁幸福！自己好鍾意佢對眼，笑起上來畀到你一種好溫柔、好窩心嘅感覺。
似睡公主
我細細個就鍾意鄭文雅，我有一排喺 TVB發展，有好多港姐係我同事，所以我講邊個都死嘅。近期我就覺得李詩韻幾靚嘅，好似童話故事嘅睡公主，最吸引嘅部位就係佢個鼻，因為五官都好靚，個鼻同嘴唇就最特別！
街坊揀最靚
做得藝人，仲要同行評論同行，點都會留番幾分薄面，所以平民百姓嘅心聲先最真接近民意囉！
我覺得最靚嘅港姐係李綺紅，因為佢個形象好健康，同埋又參加咗好多運動項目，所以好足夠代表港姐嘅形象，仲好 elegant，而佢最 charm就一定係個笑容同健康嘅膚色！
我覺得最靚嘅港姐係黃心穎，因為佢好可愛，而佢最吸引人係個笑容，因為真係笑得好甜！
|
鍾意就快D Share啦！
|
|
|
