熱爆娛樂: [FACE 379] 江湖恩怨　賭輸幾百萬　栢芝唔養　跛腳鬍鬚勇匿圍村避債 MF,

2014年8月27日星期三

[FACE 379] 江湖恩怨　賭輸幾百萬　栢芝唔養　跛腳鬍鬚勇匿圍村避債 MF,

因欠債傳被債主痛打一身嘅鬍鬚勇，用遮作拐杖更要友人扶實，恐防隨時仆親再傷啲！

真面目

江湖恩怨　賭輸幾百萬　栢芝唔養　跛腳鬍鬚勇匿圍村避債

34歲張栢芝雖然已經帶兩囝移民新加坡，不過新聞依然不斷，繼早前再被指唔俾拉姑探孫仔之後，近日本刊收到可靠消息，指栢芝老豆張仁勇（鬍鬚勇）再次欠賭債幾百萬，今次仲搬到大圍圍村避世。

曾經幫老豆還過唔少賭債的栢芝，今次堅決唔再出手，結果鬍鬚勇早前傳被債主打鑊甘，日前由友人扶住，一拐一拐步行 5分鐘到附近圍村酒樓飲茶，一代坐館 55歲鬍鬚勇因賭落難！

其他影片：>>爛賭欠債幾百萬　跛腳栢芝父　匿圍村避世

位於大圍嘅曾大屋， 1848年建造，數數手指已經有 166年歷史，據知鬍鬚勇今次的藏身處，亦經圍村有力人士安排。

上週三（ 20日），本刊發現在江湖上曾經風光的張仁勇（鬍鬚勇）在中午約 12時，在大圍曾大屋圍村由友人扶實，一拐一拐行出村口，並步向隔離乙明邨平民酒樓，花約 5分鐘上落樓梯先飲到餐靚茶。

「出面嘢無理好耐」

約一小時後，鬍鬚勇繼續由友人扶實步行返家，期間記者上前訪問，友人即用遮擋實，粗聲粗氣說：「唔好再影喇！」經記者多番游說，鬍鬚勇終開腔回應腳傷一事，但友人仍金睛火眼𥄫實記者防偷拍：「隻腳？無咩嘢！（柏文有冇探你？）有！（咁栢芝呢？）有嘅。（傳你出面爭人幾百萬無還，所以俾人打到咁！）由得佢傳（點解搬嚟呢度？）搬吓啫，𠵱家一個人住，有佢（身邊友人）照顧我。（出面啲事𠵱家點？）出面啲嘢我無理好耐喇！」