全知言
本週熱話 港星爭淋冰水 第 1個玩又係邊個？
Ice Bucket Challenge（冰桶挑戰）愈來愈多港星玩，由初時幾個，到𠵱家連古天樂、余文樂、徐子淇、黎姿等等嘅紅星都爭住淋冰水，睇嚟都仲會 hit多排。
不過全知言 check番，原來香港第一位星接受 Ice Bucket Challenge嘅其實係 8月 7日出片嘅林子善。「初時係由台灣傳過嚟俾我師父，我師父再傳俾我嘅。其實我哋未捐錢㗎，因為拳館喺月尾集合晒再一次過捐去無國界醫生（吓？唔係 ALS？）。多人玩變質都預咗，例如一開始只係 tag 3個人，但𠵱家可以 tag6個人都有！我又好怕嗰啲又要接受但又要講粗口，好唔願意，淋水之前又要扯兩啖煙，好影響形象囉！其實當係幫個世界又得，氹吓大家開心都得㗎嘛！以我所知好多星都好支持，𠵱家香港咁多負能量，等我哋啲藝人幫手發放啲正能量咪幾好囉！最重要係知道呢個遊戲開始咗之後， ALS（漸凍人協會）真係多咗好多資金，真心感受到開心。」
大家玩嘅時候，記得捐錢喇。
冰桶尋仇
Ice Bucket Challenge咁 hit，不過唔係個個星都肯玩，全知言就好想見到呢 3個單位玩囉，如果佢哋真係玩，相信會好爆！
|
鍾意就快D Share啦！
|
|
|
