2014年8月27日 星期三

[FACE 379] 當減咗 唔肯食藥 衞蘭得戚推張玉珊:我減咗 5磅 衞蘭,張玉珊,MF,




本週一( 25日),衞蘭出席演唱會記招,包包面加埋雙下巴,好明顯距離目標仲有一大截!嗰 5磅想知瘦咗喺邊?

真面目

當減咗 唔肯食藥 衞蘭得戚推張玉珊:我減咗 5磅

豬扒都可以變靚女!好似《沒女》阿銀經過

張玉珊改造後,竟然變咗港姐莊思明喎!

至於曾經被老闆黎明話過「肥過部電單車」嘅

衞蘭 Janice,呢排為咗 11月嘅 2場紅館騷,戒食加狂做運動,只可惜身形依然肥腫。

據聞張玉珊都諗住拉攏衞蘭做代言人,不過

衞蘭就堅決唔肯食藥配合減肥,代言最終傾唔成。

衞蘭亦向本刊承認推咗張玉珊嘅「好意」,仲話:「我減咗 5磅!目標係 20磅!」嘩,真係要

加倍努力啦,唔係有排都未達標呀!

衞蘭身形持續向橫發展,早前喺伍樂城嘅演唱會,體重更係歷史新高! 11月連開 2場紅館騷,衞蘭都唔敢再 hea,的起心肝要搣甩肥膏,不過效果就唔起眼。

PS神圖執瘦過部電單車

衞蘭有雙下巴都不突止,虎背熊腰更加係嚇死人。

衞蘭仲有一對象腿,雖然賣聲啫,不過視覺享受,觀眾都好重視㗎!

「想為自己身體好」

據知修身堂睇中衞蘭減肥嘅需要,仲諗住搵佢做代言人,擔保一定可以係限定時間內減肥成功。不過衞蘭一聽到要食藥,當場就打咗個退堂鼓(乜阿衞蘭咁怕食藥嘅咩?),仲講到明唔會食藥減肥,雙方拉鋸幾個月,最後都泡湯,拿拿臨搵《沒女》阿銀頂上。

早前,衞蘭去澳門《夢想成真》慈善晚宴擔任表演嘉賓,當日白色短裙 look仍然肥腫,包包面仲未有改善。問到修身堂力邀代言一事,衞蘭說:「我諗住減 20磅,𠵱家就減咗 5磅。(偷食薯片?)我遠望見到記者所以擺番落袋,但嗰下勁想食囉!(修身堂搵你做代言,但要配合食藥?)我唔想食減肥藥。(自己推?)我自己唔想食減肥藥,想自然啲減!我想為自己身體好,唔想 take risks。」係㗎,想身體好,好多嘢真係唔可以亂食㗎,衞蘭𠵱家先知咩?

今年 3月的伍樂城演唱會,衞蘭體重歷史新高,好似就嚟逼爆件衫!

《蘋果日報》圖片

本月 16日,衞蘭擔任《夢想成真》慈善晚宴的表演嘉賓,演唱首本名曲〈 My Love My Fate〉,齋賣聲冇問題㗎!

早前,衞蘭被本刊拍得喺小食店大擦燒賣魚蛋,唉!又話自然減肥?忍吓口啦好心!

阿銀頂上

張玉珊喺 2000年創立修身堂,靚靚袁詠儀、章小蕙和那英

先後做過代言人,早年又將欣宜由 110 KG減到 60 KG,創減肥界神話。

圖片

《沒女》阿銀頂上,經過張玉珊出招改造後,身形弗咗,自信都番晒嚟!

《沒女》阿銀個樣真係省鏡咗,仲同莊思明撞樣添!

圖片

黎明大整蠱

《忽然 1周》圖片

黎明一手發掘衞蘭,頭三張唱片的全球總銷量已達十白金(超過 40萬張),演唱會、廣告不斷,絕對上位在望。不過近年衞蘭身形暴脹,加上公司不時玩騎呢形象,搞到衞蘭不時成為網民笑柄。

09年衞蘭推出唱片《 Wish》,無端端同瑜伽扯上關係,結果仲被網民瘋狂改圖,成為萬能 Key。

今年 A Music同衞蘭拍減肥真人騷,又爬龍舟又跑樓梯又溜冰,不過玩完咁多項目後,衞蘭都好似冇乜點瘦過。

衞蘭係唱得之人,不過黎明偏偏鐘意安排佢翻唱人哋嘅歌,最近又要衞蘭翻唱羅文嘅〈激光中〉,又畀網民鬧爆。



鍾意就快D Share啦!
Related Posts Plugin for WordPress, Blogger...