2014年9月19日 星期五

[忽然1周 999] 梁潔華初癒 下月搬屋改運 黃日華:可以為佢犧牲一切 黃日華,梁潔華,MW,




十指緊扣

約一個多鐘後,二人離開餐廳。戴番口罩、頭戴畫家帽兼着長袖衫的梁潔華雖全程唔肯接受訪問,但態度友善。而身旁的黃日華則開心說:「佢依家 OK㗎!」其間二人十指緊扣,非常恩愛。

娛樂喧

梁潔華初癒 下月搬屋改運 黃日華:可以為佢犧牲一切

梁潔華去年為治血癌,醫院、酒店兩邊穿梭,經過九個月五次化療,終於戰勝癌魔,逐漸康復。黃日華為迎接老婆「新生」,買入風水格局利健康的比華利山新竇,並計劃下月入伙。

初癒的梁潔華,蟄伏多月終於出山與老公拍拖撐枱腳。而經此一劫,黃日華與老婆感情大躍進,黃更激動說:「發生呢件事之後,我先知佢(老婆)喺我心目中有幾重要,我可以犧牲自己所有嘢……」







今年 7月, 54歲的梁潔華終於完成化療,康復情況十分理想。雖然今次抗癌成功,但仍要小心留意血液的正常指數,因此現時她還需要定時入院檢查,兼抽取體內 DNA,確定癌細胞有冇被徹底擊退。

中氣十足

抗癌成功、 7月出院的梁潔華,早前就被本刊發現與老公黃日華到九龍城撐枱腳。冇戴口罩的她,精神不俗,與老公傾唔停,中氣十足。

胃口唔錯

記者發現梁潔華當日胃口唔錯,愈食愈大啖,鯨吞了整碟龍蝦汁意粉,完全唔似病人。

抽 DNA培植細胞

講老婆眼紅紅

9月 3日,黃日華如常到九龍灣足球場練波。提到他陪住老婆抗癌這大半年來,他不禁眼紅紅說:「突然間整壇咁嘅嘢都嚇一嚇,兩公婆最緊要互相支持,好景唔知幾時會完結,要珍惜。」

知情人士說:「佢(梁潔華)係一個好勇敢嘅病人,醫生建議任何療程,佢都樂意配合,從來冇諗過放棄。今次佢要抽 DNA,除咗徹底 check吓佢嘅癌細胞有冇潛伏,仲想搵強壯 DNA作培育,然後再注入佢體內,減少復發機會。」據知梁潔華現時正等待檢驗報告,不過入院足足有 9個月的她,已心急想過番正常人生活。

早前,本九龍城發現黃日華和梁潔華兩公婆開餐,雖然梁當日還穿上長袖衫保護身體,但精神不俗。她發現記者後,沒有迴避鏡頭,更向記者揮手打招呼。

就檢驗 DNA一事,記者搵過黃日華求證,他輕鬆地說:「係抽過骨髓同驗 DNA,依家等緊報告出,如果所有嘢 OK正常的話,算叫做康復啦。佢休息多幾個月,就可以返工。」

新居設誦經房

黃日華終於可以放下心頭大石,為了讓太太保持健康的身體,一直篤信風水的他,早前便豪花千八萬,購入大埔比華利山一幢逾三千呎的獨立屋。知情人士說:「雖然梁潔華嘅醫藥費要成幾百萬,但從事保險嘅佢,一早買咗份大額保險,所以真係一個仙都唔使俾。雖然華哥近年為咗照顧太太減少開工,但呢幾年佢幫王維基拍劇搵唔少,阿女又自動波話要供樓,加上比華利山風水好,間屋唔買唔得。」

現時新居裝修得如火如荼,預計下月正式入伙。由於黃日華和梁潔華當年在九龍塘創價學會舉行婚禮,兩公婆同屬「日蓮正宗」的信徒,因此新居亦順理成章特設一間誦經房。對於即將搬入新居及設有誦經房,黃日華不願多談,但就承認頻頻唸經保太太平安,他說:「其實太太病咗到依家,我都日日早晚誦經,為太太祈福,希望佢快啲好番晒!」

梁潔華康復後間中也有外出,不過就鮮有被拍與老公出街。早前她就被拍得帶住一位老人家到銅鑼灣買海味。

梁潔華與黃芷晴兩母女感情要好,大病初癒的梁早前就與女兒到中環買衫,她更對鏡頭揮手,心情非常靚。

黃日華:仲想拖多 30年

阿女認搬屋

最近頻頻出騷搵錢的黃芷晴,周一( 15日)出席活動時承認將會搬新屋,她說:「媽咪成日叫我睇家品。」

太太由證實患上血癌到現時康復,足足用上近一年時間。如今雖然事過境遷,但回想當日頻頻入院探望太太、在病房等報告的種種情景,他突然感性說:「件事發生得太突然,佢(指梁潔華)一定好驚,我同自己講正正因為佢驚,我一定唔可以驚。尤其治療時間咁長,佢瞓喺病牀上一定會諗好多嘢,呢個時候身邊嘅人最重要,我除咗開工就將所有時間俾晒佢,亦勤做運動同注意休息,唔係為自己,係因為我要有好嘅身體,先有體力照顧佢。」

黃日華和梁潔華如今已經結婚 26年,喜怒哀樂甚麼也經歷過,夫妻關係一早欠缺火花,太太患病一事令這段關係昇華,「經過今次,我同太太都更加珍惜對方,希望我哋兩個可以拖住手再行多 30年以前見啲老夫老妻拖住手,心諗有冇搞錯呀,但依家就覺得原來係好難得㗎。我真係好愛佢,好需要佢。」

堪輿學家:金蟾吐丹利健康

周日( 14日),堪輿學家區仲德到過黃日華位於大埔比華利山的新居睇風水。他稱屋苑背靠青銅觀音像,可幫住客化解厄運。

堪輿學家區仲德指位於大埔比華利山的豪宅布局,外形似足一隻伏地金蟾,面向吐露港公路作伏地之勢。加上比華利山附近,有一座由本港首富李嘉誠捐款逾十億港元興建、去年剛落成的青銅觀音像,更有利比華利山的風水形勢。

「比華利山個位食正觀音像,成個布局好似金蟾吐丹,當然係受人敬仰嘅觀音像古時有傳說話三腳金蟾吐出嘅玉丹報恩,食咗玉丹嘅人會起死回生,所以呢度有利健康運!」



鍾意就快D Share啦!
Related Posts Plugin for WordPress, Blogger...