全城熱爆的娛樂八封新聞 & 時事趣聞 & 生活 + 趣聞
呢日家輝白色恤衫加黑西褲，而梁太就白色外套襯黑吊帶長裙，兩公婆行街都襯過晒。唔只咁，結婚幾十年仲拖住手行街， sweet到爆。
前排媽咪姐睇咗梁家輝有份主演嘅舞台劇《杜老誌》，套劇有口碑，依家仲加場公演㖭！不過唔好以為佢忙住做嘢就唔理屋企，身為絕世好老公嘅家輝，呢日趁住劇組休息一日，即刻陪老婆，十指緊扣行 ifc。
啲人成日話梁太江嘉年樣貌身材太普通，襯唔起影帝，但媽咪姐真係想幫佢平反，其實江嘉年後生又瘦又靚㗎！不過生完對孖女就開始「幸福晒」之嘛。計媽咪姐話，兩公婆外形唔夾好閒啫，最緊要係彼此相親相愛！
2002年 十二年前嘅梁太江嘉年，又瘦又靚，只不過生完對孖女，依家變幸福少奶奶啫。
為免俾人撞親太太，梁家輝企後一個身位入𨋢，幫太太擋晒途人。
