全城熱爆的娛樂八封新聞 & 時事趣聞 & 生活 + 趣聞
當柯震東已經獲釋返咗台灣，一齊被捕嘅祖名今日先話被「批捕」。一班內地網民就即刻熱心估刑期。都話一失足成千古恨，唉！
都話養兒一百歲，長憂九十九！上個月中喺北京涉吸毒被公安刑事拘留嘅房祖名，周三（ 17日）終於被北京市東城區檢察院以涉嫌容留他人吸毒罪，批准逮捕。「批捕」係內地嘅正式法律程序之一，之後公安機關會繼續調查搜證，交法院審判。定刑期後，涉案人可以向「上一級法院」提出上訴，不過上訴機會只有一次咁多囉！
阿仔有難，滿懷心事嘅成龍早前仲要同章子怡出席早就應承做大使嘅「羅馬尼亞中國電影節」。
成龍之前用咗咁多方法救子，最終祖名都係難逃法網被「批捕」。唉，呢個罪名嘅最高刑期係 3年，萬一真係要「坐」，少爺仔都幾難捱吓。
