網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月4日 星期四

[壹週刊 1278] 老豆中風 栢芝懶得理 張栢文行街賣錶 M1,




探熱針

老豆中風 栢芝懶得理 張栢文行街賣錶

張栢芝老豆張仁勇(鬍鬚勇),最近被指因欠下幾百萬賭債而遭人打跛腳。但據了解,鬍鬚勇行路一拐一拐,原來是中風後遺,過去多次將父債孭上身的栢芝,今次卻放軟手腳;失去靠山,細佬張栢文大熱天時要做行街賣錶,靠自己。

迷上掟鏢篤波

帶住兩個仔長住新加坡的張栢芝,除了偶爾返內地做綜藝節目搵快錢,亦會定期飛返香港。

「栢芝每次返嚟都會吹雞約班老友出嚟玩,近期佢迷上掟飛鏢同打美式桌球,喺香港嘅話,個個禮拜都落王子酒店倪震嗰間 Joe’ s Billiards& Bar開 P,夜晚七、八點開始,玩到半夜一點,有時仲會轉場落中環再蒲,孫耀威同佢女友 Macy、側田都有一齊玩。」知情者說。

主力照顧兩個仔的栢芝,經常帶着他們周遊列國,三母子去到哪裡都成網民熱拍對象。

最近栢芝迷上了掟飛鏢及打美式桌球,每次她回港也會約班朋友搞掟飛鏢派對,孫耀威及女友 Macy均是栢芝必 call鐵腳。

除代理手錶,栢文還代理雪條 Fruitfull,最近更與馬來西亞製作公司合作搞演唱會。

冇大錢過手

顧住玩!對於老豆鬍鬚勇中風後行動不便,有指栢芝闊佬懶理。

「有報導話鬍鬚勇因為欠幾百萬賭債被人打跛腳,其實佢之前係中過風,搞到而家行路都拐吓拐吓,冇癱到已經好好彩。栢芝知道老豆中風都有照顧佢,只係唔會好似以前咁,一大筆錢過手,都還(父債)咁多年,仁至義盡喇!栢芝近年好少見老豆,同細佬、媽咪聯系比起以前少咗好多。」鬍鬚勇身邊友人說。

大熱天時,栢文拎住幾隻自己代理的瑞士腕錶,親自到錶行補貨,冇家姐養,靠自己。

鬍鬚勇因中風後行動不便,出入均要人扶,最近更被拍到已搬入大圍的村屋居住,方便出入。

陳國坤及汪東城也有戴栢文代理的瑞士腕錶 PMC。

好少見栢芝

栢芝收緊銀根,中風後行動不便的鬍鬚勇同兩個仔關係變得密切。做滑水教練的張豪龍,夏天旺季忙爆,仍會抽時間探老豆,細仔栢文亦變得比以前生性,做行街賣錶,行到身水身汗搵生意。

「啲生意都過得去,而家個市仲 OK,我做錶都有三、四年喇!所有嘢都係自己一手一腳搞,內地都有人想傾代理。(栢芝有冇份投資?)冇同家姐合作,佢咁忙,都少見咗。」栢文說。

除了賣錶,栢文還代理雪條和投資酒吧,最近更與馬來西亞合作搞演唱會,積極搵錢!



鍾意就快D Share啦!


Related Posts Plugin for WordPress, Blogger...